1 Corintio 1:4 - Tachi Ak'õre Pedea

⁴ Mãra Jesucristo ome p'anɨ pẽra Tachi Ak'õrepa ichi sõpiadepa k'aripa bɨma. Mãɨpuru mɨa Tachi Ak'õrea ɨt'aa chiidirucha mãra k'orea sõpia bɨade aparima.

1 Corintio 1:4 ပူးပေါင်းရင်းမြစ်များ

Mateo 19:11

Mãɨpuru Jesupa jarasima: —Jõmãɨrã ãarea p'ue tuu p'aneenaiwẽma. Abapuru Tachi Ak'õrepa mãɨ k'ɨ̃risia teaipɨra, p'ue tuu baipɨ.

Juan 10:30

Mɨ, mɨ Ak'õre ome aba p'anɨma.

Juan 14:14

Piarã mãrapa mɨne ĩjãa p'anɨ pẽra jõma mɨ t'ɨ̃nepa ɨt'aa chiidiuta mɨa ooipɨ.

Juan 14:16

Mãɨpuru mɨ Ak'õrea ɨt'aa chiidiipɨ mãra K'aripaparí peemẽrá. Mãɨ mãra ome ewaricha baipɨ.

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Hecho 11:23

Mãɨ Bernabé ẽpẽra jĩp'a basima. Jesude minachia ĩjãa basima; Tachi Ak'õre Jaoredepa pia basima. Bernabé Antioquiade cheside unusima Tachi Ak'õrepa ichi sõpiadepa ũpẽarã k'aripa bɨt'a. Mãɨpuru minachia sõ arapaasima. Mãɨne ãareaɨrã́ jarapachima sõnepa ewaricha Tachi Chiparide piarã ĩjãanamẽrá. Mãɨya bɨde minachia p'anɨrãpa chi Tachi Chiparide ĩjãasidama.

Hecho 21:20

Mãɨ ũrisidaɨde ũpẽarãpa Tachi Ak'õrea pia pedeasidama. Maapae Pabloa jarasidama: —Ũpẽa, pɨa k'awa bɨma judiorã minachia p'anɨrãpa Jesude ĩjãa p'anɨt'a mãɨnepa Moisepa bɨda minachia ĩjãa p'anɨt'a.

Romano 1:8

Naa mɨa jararuma: Jesucristodepa mɨa jõma mãra k'orea Tachi Ak'õrea sõpia bɨade aparima mãrapa Jesucristode ĩjãa p'anɨ k'orea tuachadepemarãpa pedea p'anɨ pẽra.

Romano 6:17

Naena mãra nemietá pae pari mimiapataɨrã pasima. Maamina jõma Tachi Ak'õre k'orea jarateadada sõnepa oo p'anɨ pẽra mɨa Tachi Ak'õrea sõpia bɨade aparima.

1 Corintio 1:3

Taipa k'ɨ̃ria p'anɨma Tachi Pajãnepema Ak'õrepa, Tachi Chipari Jesucristo pida ãchi piadepa mãra k'aripa p'ananait'a ne k'ɨ̃risiawẽa p'ananamẽrá.

1 Timoteo 1:14

Tachi Chipari Jesucristopa ichi sõpiadepa mɨ minachia k'aripasima ichide ĩjãamẽrá mãɨnepa ichi k'ɨ̃ria uru bamẽrá.