1 Corintio 1:20 - Tachi Ak'õre Pedea

²⁰ Piarã Tachi Ak'õrepa nãɨ ĩjũanepema k'ɨ̃risia piawẽa bɨ k'awapisima. Mãɨpuru ¿chi minachia k'awa berã k'ãasãasidama? ¿Chi Moisepa bɨda jarateapataɨrã k'ãasãasidama? ¿Chi nãɨ ewaride k'ɨ̃risiadepa pedeapataɨrã k'ãasãasidama?

1 Corintio 1:20 ပူးပေါင်းရင်းမြစ်များ

Mateo 13:22

Chi net'a tau ĩjũa ɨɨrɨ idá bɨde p'oda nãɨ jara bɨma: chi eda waapẽarã ẽpẽrarãpa Tachi Ak'õre pedea ũripatama, maamina ãchi sãmaasã́ pia beadai k'orea minachia k'ɨ̃risiapatama. Ne ãarea uru p'ananaipɨra, arapá p'ananai k'ɨ̃risiapatama. Ãarea mãɨ k'ɨ̃risia mietapa ãchia sõne pia ũrinana itu bɨpiparima ne uu warida chauk'á bapari jĩra.

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

Romano 1:20

Nãɨ ĩjũa oodaedapema chi ichia ooda ak'ɨ p'anɨnepa k'awa p'anɨma ichi chi ewaricha ne ãarea p'ue oo bɨt'a mãɨnepa ichi Tachi Ak'õret'u. Mãɨ ãarea ooda ak'ɨ p'anɨnepa, ẽpẽrarãpa chi Tachi Ak'õre ẽpẽerãpa ne p'ue oodak'apɨ́ mãɨ pia unupatama. Mãɨ k'orea chi nemietá oopataɨrãpa p'ue atua p'anɨane adaiwẽa p'anɨma.

Romano 1:22

K'ɨ̃risia k'awaa p'aneenayane asidamina k'ɨ̃risia newẽa p'aneesidama.

1 Corintio 1:19

Tachi Ak'õre pedeade nãɨya bɨ bɨma: «Chi ãarea k'ɨ̃risia k'awa berã k'ɨ̃risiat'a mɨa piawẽa bɨ unupiipɨ. Chi k'ɨ̃risia k'awa berãpa oo k'ɨ̃ria p'anɨt'a itu oopiiwẽma».

1 Corintio 1:26

Ũpẽarã, k'ɨ̃risiat'ɨ Tachi Ak'õrepa mãra jɨrɨ ataside sãmaasã́ p'anasidaɨt'a. Ẽpẽrarãmá, chok'ará mãranepema ne k'awa p'ananaé pasima, chi minachia k'awa p'anɨrã p'ananaé pasima, mãɨnepa chi atepe p'anɨrãnepa t'õnaé pasima.

1 Corintio 1:27

Mãɨpuru chi k'ɨ̃risia k'awaa berãmá mãra ne atua bepɨ. Maamina Tachi Ak'õrepa chi ne atua berã jɨrɨ atasima mãɨ k'ɨ̃risia k'awaa berã p'eradamẽrá. Tachi Ak'õrepa chi jua chaareawẽa berã jɨrɨ atasima mãɨ jua chaarea berã p'eradamẽrá.

1 Corintio 1:28

Nãɨ ĩjũanepemarãpa chi mĩa chupuria k'edeade apataɨ mãɨnepa ãchia itu bɨpataɨ Tachi Ak'õrepa jɨrɨ atasima. Mãɨya chi atepewẽa berã jɨrɨ atasima chi atepe berã mĩa chupuria bɨi k'orea.

1 Corintio 11:32

Maamina tachi ak'ɨrude, tachi ɨtɨaparima nãɨ ĩjũanepemarã ome nepɨra pará bɨade apiemaapa.

1 Corintio 2:6

Mãɨya taipa chi k'ɨ̃risia k'awaat'a jaratea p'anɨma chi Tachi Ak'õrene minachia ĩjãa berã́. Mãɨ k'ɨ̃risia k'awaat'a nãɨ ĩjũanepemawẽma mãɨnepa nãɨ ĩjũanepema minachia k'awa p'anɨrã k'ɨ̃risiawẽma. Ãchi tãaraa p'ananaiwẽma.

1 Corintio 2:8

Chi nãɨ ĩjũanepema minachia k'awapataɨrã mi ãpia pida mãɨ k'ɨ̃risia k'awadaé pasima. K'awa p'ananapara, Tachi Chipari pia k'ɨrɨt'a k'urusude peadaiwẽ pasima.

1 Corintio 3:18

Ara machi tuaba searãt'ɨ. Abaɨpa chi nãɨ ĩjũanepema k'ɨ̃risia jĩra ne k'awa bɨ k'ɨ̃risia bɨpɨra, waa mãɨya k'ɨ̃risiaiwẽa bɨma. Mãɨpari chi piarã k'ɨ̃risiat'a uru bai k'orea nãɨ ĩjũanepemarã k'ĩrari ne atua bɨ jĩra bai bɨma.

1 Corintio 3:19

Tachi Ak'õremá, chi nãɨ ĩjũanepema k'ɨ̃risiat'a piawẽa bɨma. Tachi Ak'õre pedeade nãɨya bɨ bɨma: «Tachi Ak'õrepa chi nãɨ ĩjũane ne k'awa berã ara ãchi k'ɨ̃risiadepa k'awapiparima ne k'awa p'anɨwẽt'a».

1 Corintio 6:2

¿Mãrapa atua p'anɨk'ãra Jesú cherude chi ẽpẽrarã Tachi Ak'õrenepemarãpa chi nãɨ ĩjũane berã nepɨra ak'ɨdait'a? Mãrapa chi nãɨ ĩjũane berã ak'ɨdai pẽra ¿k'ãre k'orea nepɨra ãpia k'ede p'ue ak'ɨdaiwẽa p'anɨma?

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.