1 Corintio 1:17 - Tachi Ak'õre Pedea

¹⁷ Cristopa mɨ peé pasima ẽpẽrarã porochoa bamẽrá, mãɨpari peesima chi pedea pia ichi k'orea jarateamẽrá. Nãɨ ĩjũanepema k'ɨ̃risiadepa jarateawẽma, Cristo k'urusude piuda ara ichi pari piuda jĩra beepiemaapa.

1 Corintio 1:17 ပူးပေါင်းရင်းမြစ်များ

Juan 4:1

Mãɨ ewaride p'ariseorãpa ũrisidama Jesupa Juan k'aepẽra ẽpẽerã minachia atepe uru bɨt'a mãɨnepa porochoa bɨt'a.

Juan 4:2

(Piarã Jesupa ẽpẽerã porochoak'a pasima. Ichi ome p'ɨrrɨapataɨrãpuru porochoapachidama).

Hecho 10:48

Maapae Pedropa ãchi Jesucristo t'ɨ̃nepa porochoapisima. Mãɨya nak'ari ãchia chichupuria idisidama ichi ãchi ome tãaraa beemẽrá.

1 Corintio 2:1

Ũpẽarã, mɨa Tachi Ak'õre k'orea mãramá jarateade wãside chi minachia k'awapataɨrã pia pedeapataɨ jĩra mɨ k'ɨ̃risiadepa mi ãpia pida jarateaé pasima.

1 Corintio 2:13

Ara mãɨ k'orea taipa pedea p'anɨma. Maamina nãɨ ĩjũanepema k'ɨ̃risiadepa pedea p'anɨwẽma, mãɨpari Tachi Ak'õre Jaorepa taiyá jaratea bɨ jĩra pedea p'anɨma. Mãɨya chi Tachi Ak'õre Jaorepa k'awapi bɨt'a taipa jaratea p'anɨma ichia pedeapi bɨ jĩra.

2 Corintio 1:12

Nãɨ k'orea arapá p'anɨma: taipa k'awa p'anɨma sõ jĩp'a p'anɨnepa, k'ɨ̃risia piadepa nãɨ ĩjũanepemarã t'ãena mãɨnepa mãra t'ãena pia nipadada. Mãɨ sõ jĩp'a bai mãɨnepa k'ɨ̃risia pia Tachi Ak'õrenepemapɨ. Tai nãɨ ĩjũanepema k'ɨ̃risiadepa mãɨya nipadak'ama, mãɨpari Tachi Ak'õrepa ichi sõpiadepa k'aripa bɨ pẽra mãɨya nipapatama.

2 Corintio 10:10

Waapẽarãpa nãɨya jara p'anɨma: «Pablopa k'art'adepa mãrá minachia ɨtɨaparima mãɨnepa ne minachia oopiparima. Maamina mãra ome bɨde wap'ea nɨbɨ jĩra bɨma mãɨnepa piawẽa pedeapariade apatama».

2 Corintio 11:6

Mɨ pedea pia bɨdepa pedeak'amina, piarã pedea minachia k'awa bɨma. Mãɨ piarã pedea taipa ne ãareaɨnepa mãrá minachia k'awapisidama.

2 Corintio 4:2

Nejõma k'achia ẽpẽrarãpa mẽra oopataɨ mãɨnepa p'era oopataɨ taipa itu bɨsidama. Waapẽarã seadak'ama. Tachi Ak'õre pedea k'ĩra ãyá jarateadak'ama, mãɨpari chi piarã pedea pia jarateapatama. Mãɨya Tachi Ak'õre k'ĩrari taipa jõmãɨrã́ k'awapipatama jĩp'a oo p'anɨ.

2 Pedro 1:16

Tachi Chipari Jesucristo jua chaarea k'orea mãɨnepa ichi mãicha chei k'orea taipa mãrá jarateasidaɨde ara tachi k'ɨ̃risiadepa jaradada jarateadaé pasima. Mãɨpari Tachi Chipari Jesú k'ĩrawãrea achiterrea ununana pẽra mãɨya jarateasidama.