1 Corintio 1:10 - Tachi Ak'õre Pedea

¹⁰ Ũpẽarã, Tachi Chipari Jesucristodepa mɨa mãrá chichupuria idiruma ará pia tuananamẽrá. K'ɨ̃risia k'ak'awá tuananaiwẽa p'anɨma, mãɨpari k'ɨ̃risia abaɨde ará pia tuananai p'anɨma.

1 Corintio 1:10 ပူးပေါင်းရင်းမြစ်များ

Mateo 9:16

»Tachia neet'á sore k'õa bɨmá p'aru chiwidi ará k'osadak'ama. Mãɨya k'osadaipɨra, chi abaɨ jidibarirupa chi p'aru sore minachia atepe k'õawãipɨ.

Marco 2:21

Tachia neet'á sore k'õa bɨmá p'aru chiwidi ará k'osadak'ama. Mãɨya k'osadaipɨra, chi abaɨ jidibarirupa chi p'aru sore minachia atepe k'õawãipɨ.

Marco 3:24

Tua abarik'a berã ãstu k'ĩruupik'adaipɨra, chi jõnaipɨ.

Juan 10:19

Mãɨ pedea ũriutade judiorã mãicha ara ãchi awara awará pedea para p'aneesidama.

Juan 17:23

Mɨ ãchi ome bɨ pẽra mãɨnepa pɨ mɨ ome bɨ pẽra tachi ãarea ará k'ak'ua aba bɨ jĩra p'ananaipɨ. Mãɨya nãɨ ĩjũanepemarãpa k'awadaipɨ pɨa mɨ peesit'a mãɨnepa k'awadaipɨ pɨa ãchi k'ɨ̃ria bɨt'a ara mɨ k'ɨ̃ria bɨ jĩra.

Juan 7:43

Mãɨya Jesú k'orea ara ãchi k'ak'awá p'anasima.

Juan 9:16

Chi waapẽarã p'ariseorãpa jarasidama: «Mãɨ ẽpẽra Tachi Ak'õrenepa chewẽa bɨma, mimianak'apɨ́ ewaride chi tachia ne oodaiwẽa p'anɨne mãɨya ooda pẽra». Maamina waapẽarãpa jarasidama: «¿Sãmaasã́ nemietá ooparí ẽpẽrapa mãɨ ẽpẽerãpa ne p'ue oodak'apɨ́ p'ue oosima?» Mãɨya ara ãchi paara ne wawaria pedea p'aneesidama.

Hecho 4:32

Mãɨ ewaride chi Jesude ĩjãapataɨrã k'ɨ̃risia abarik'a mãɨnepa sõ abarik'a p'anapachidama. Abaɨ pida ara ichi neet'á ichidí jĩra k'ɨ̃risiak'a pasima, mãɨpari abaɨ ome ne jedapachima.

Romano 1:13

Ũpẽarã, mɨa k'ɨ̃ria bɨma mãrapa k'awadait'a piarã bari k'ak'o minachia mãramá wãi k'ɨ̃risia basit'a. Maamina wapida p'ue wãwẽa bɨma. Mãramá wã k'ɨ̃ria bɨma mɨa jaratea bɨdepa mãmapemarãpa Jesucristode ĩjãanamẽrá waapẽarã tuadepemarãpa ĩjãanana jĩra.

Romano 12:1

Mãɨpa ũpẽarã, Tachi Ak'õrepa mãra k'ĩra chupuriada pẽra, mɨa mãrá chichupuria idiruma ara machi Tachi Ak'õrea teadamẽrá, ãnimara peadak'ari, paateapata jĩra. Mãɨ ãnimara piuda k'aepẽra, ichi pae pia p'anat'ɨ mãra pia unumẽrá.

Romano 12:16

Jõmãɨrã ome pia p'anat'ɨ. Chi waapẽarã k'aepẽra pia be k'ɨ̃risiarãt'ɨ, mãɨpari chi chupuri k'ede ome pia p'anat'ɨ. Mãrapa waapẽarã k'aepẽra minachia k'awa p'anɨ jĩra k'ɨ̃risiarãt'ɨ.

Romano 15:30

Ũpẽarã, Tachi Ak'õre Jaoredepa tachi chi k'ɨ̃ria p'anɨma. Mãɨpuru Tachi Chipari Jesucristodepa mɨa mãrá chichupuria idiruma mɨ k'aripadait'a, Tachi Ak'õrea ɨt'aa chiididamẽrá.

Romano 16:17

Ũpẽarã, mɨa mãrá chichupuria idiruma jĩrak'aua p'ananamẽrá. Chi eda waapẽarãpa ũpẽarã́ ne awara awará k'ɨ̃risiapipatama. Chi mãrapa piarã pedea k'awadada ãchia k'ĩra awara jarateapatama. Mãɨ ẽpẽrarã ome ará p'anarãt'ɨ.

1 Corintio 1:11

Ũpẽarã, mãɨya jara bɨma ũpẽawẽra Cloé tiidapemarãpa mɨá jarasida pẽra mãra k'ĩruu pedea tuanapataɨt'a.

1 Corintio 11:18

Naa jararuma mɨa ũri bɨ mãra ará jere nɨbeeutade k'ɨ̃risia k'ak'awá k'ɨ̃risia tuanapataɨ. Mãɨ pedea waa ara mɨchia ĩjãarumá ĩjãa bɨma.

1 Corintio 12:25

Mãɨya oosima tachi k'ak'ua piawẽa beepiemaapa, mãɨpari ara machi paara ak'ɨ p'ananamẽrá.

1 Corintio 3:3

Mãra wapida nãɨ k'ak'uapa oo k'ɨ̃ria bɨ jĩra nipapatama: waapẽarãpa uru bɨ k'orea piawẽa k'ɨ̃risiapatama mãɨnepa k'ĩruu pedeapatama. Mãɨya p'anɨ pẽra ¿nãɨ k'ak'uapa oo k'ɨ̃ria bɨ jĩra nipapatawẽk'ãra? ¿Nãɨ ĩjũanepemarã jĩra p'anɨwẽk'ãra?

1 Corintio 4:16

Mãɨ k'orea mɨa mãrá chichupuria idiruma mɨ nipapari jĩra nipadamẽrá.

2 Corintio 10:1

Mɨ Pablopɨ. Cristo k'ɨ̃rianepa mãɨnepa ichi sõpiadepa mɨa mãrá chichupuria idiruma mɨ pedea ũrinamẽrá. Waapẽarãpa jara p'anɨma mãra ome bɨde, mɨa wap'ea baparit'a mãra ɨtɨai k'orea, maamina mãra ome bɨwẽne wap'eak'ama mãra k'art'adepa ɨtɨai k'orea.

2 Corintio 13:11

Ũpẽarã, k'aadea mɨa nãɨya bɨruma: arapá p'anat'ɨ, mãicha jĩp'a oo p'anayá jɨrɨt'ɨ, mɨa jara bɨt'a oo p'anat'ɨ, abarik'a k'ɨ̃risia uru p'anat'ɨ mãɨnepa ne k'ɨ̃risiawẽa p'anat'ɨ. Mãɨya chi Tachi Ak'õre tachiá k'ɨ̃riapiparí mãɨnepa ne k'ɨ̃risiawẽa bapiparí mãra ome baipɨ.

2 Corintio 13:9

Mãrapa minachia ĩjãa p'anɨpɨra tai ɨbɨwẽa p'anɨmina arapá p'anɨma. Mãɨ awara taipa Tachi Ak'õrea ɨt'aa chiidi p'anɨma mãrapa jĩp'a oo p'ananamẽrá.

2 Corintio 5:20

Mãɨpuru Cristopa tai peesima ichi pari pedeadamẽrá. Taidepa Tachi Ak'õrepa mãrá t'ɨ̃ bɨma ichi ome pia p'ananamẽrá. Taipa Cristo t'ɨ̃nepa chichupuria idiutama: Tachi Ak'õre ome pia p'anat'ɨ.

2 Corintio 6:1

Taipa Tachi Ak'õre ome ichia oo bɨt'a oo p'anɨẽra, mãrá chichupuria idiutama Tachi Ak'õrepa ichi sõpiadepa k'aripa bɨt'a itu bɨpidaemaapa.

Gálata 4:12

Ũpẽarã, mɨ mãra jĩra bai k'orea, Moisepa bɨda itu bɨsima. Mãɨpuru mɨa mãrá chichupuria idiruma mɨ jĩra mãɨ Moisepa bɨdade p'anapidaemaapa. Naena mãrapa mɨ k'achia oodaé pasima, mãɨpari mɨ ome pia p'anasima.

P'ilipense 1:27

Jĩp'a nipat'ɨ chi pedea pia Cristo k'orea jara bɨ jĩra. Mãɨyara mɨa mãra ak'ɨde wãipɨra, wa mãra ome bɨwẽne mãra k'orea ũriipɨra, k'awaipɨ mãrapa abarik'a k'ɨ̃risiadepa ará minachia ĩjãa p'anɨt'a mãɨnepa ará minachia mimia p'anɨt'a mãɨ pedea pia k'awapidai k'orea.

P'ilipense 3:16

Maamina tachia k'awadada jõma oodai p'anɨma.

1 Tesalonicense 5:13

Ãchi k'orea pia k'ɨ̃risiat'ɨ. Ãchia oo p'anɨ k'orea minachia k'ɨ̃riat'ɨ. Jõmãɨrã ome pia tuanat'ɨ.

2 Tesalonicense 2:1

Mãɨ awara ũpẽarã, taipa chichupuria idi p'anɨma Tachi Chipari Jesucristo chei k'orea mãɨnepa tachi ichi ome ará p'ananai k'orea mãrapa minachia k'ɨ̃risiarãt'ɨ. Abaɨ pida Tachi Chiparipa ɨtɨai ewari ará pasiade aipɨra, ne k'ɨ̃risia pará p'anarãt'ɨ. Parituapa Tachi Ak'õrenepa pedea bɨ jĩra mãɨya jaraipɨra, wa mãɨya jarateaipɨra, wa taipa k'art'ade mãɨya bɨsidade aipɨra, ĩjãarãt'ɨ.

1 Timoteo 5:21

Tachi Ak'õre k'ĩrari, Cristo k'ĩrari mãɨnepa Tachi Ak'õrepa ɨt'aripa peedarã k'ĩrari mɨa pɨá jararuma: jõma mɨa jarada oose. Mãɨya oorude, ẽpẽra aba bɨ lawari barãse, mãɨpari jõmãɨrã ome abarik'a k'ĩra jĩp'a oo base.

2 Timoteo 4:1

Jesucristo cheipɨ ichidirã ichi juade ua bai k'orea. Mãɨne ẽpẽrarã chok'ae be mãɨnepa piudada nepɨra ak'ɨipɨ. Mãɨpuru Jesucristo k'ĩrari mãɨnepa Tachi Ak'õre k'ĩrari mɨa nãɨ pedea jararuma pɨa oomẽrá:

1 Pedro 2:11

Mɨ ũpẽarã, nãɨ ĩjũane mãra tua awaraɨdepemarãpɨ. Mãɨpuru mɨa mãrá chichupuria idiruma nãɨ k'ak'uapa nemietá oo k'ɨ̃ria bɨt'a itu bɨdamẽrá. Mãɨ ara tachi ome chõo bɨma.

1 Pedro 5:10

Mãra tãaraa mĩanak'ari Tachi Ak'õrepa ne ãareaɨne pia bɨipɨ. Ichia mãra k'aripaipɨ pia ĩjãanamẽrá, jõma choadamẽrá mãɨnepa chaarea p'ananamẽrá. Tachi Ak'õrepa ichi sõpiadepa ne ãareaɨne k'aripaparima. Ichia mãra Jesucristodepa t'ɨ̃sima ichi ome ewaricha chi atepe p'ananamẽrá.