1 Corintio 1:1 - Tachi Ak'õre Pedea

¹ Mɨ Pablopɨ. Tachi Ak'õrepa ichia k'ɨ̃riana pẽra mɨ t'ɨ̃sima Jesucristopa peeda pamẽrá. Tachi ũpẽa Sóstene mɨ ome bɨma.

1 Corintio 1:1 ပူးပေါင်းရင်းမြစ်များ

Luca 6:13

Ãsã pak'ari ichi ome p'anɨrã ará t'ɨ̃k'oak'ari mãɨrãnepema doce jɨrɨ atasima. Mãɨ doce jɨrɨ atadaɨrã “ichia peedaɨrã” bɨk'oasima.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Hecho 1:15

Mãɨya p'anɨne ewariaba Pedro chi ũpẽarã esa bai nɨbeesima chi ẽpẽerã́ pedeai k'orea. Ãchi 120 p'anasidama. Mãɨne jarasima:

Hecho 1:2

Tachi Ak'õrepa mãɨ pajãnea ateewãrunea. Pajãnea wãi naena ichia peedaɨrã́ Tachi Ak'õre Jaoredepa jarateasima k'ãre oodai p'anɨt'a. Mãɨrã ichia jɨrɨ atada pasima.

Hecho 18:17

Mãɨne ãareaɨrãpa chi judiorã ará pedeapataɨ tedepema chi chaarea bɨ Sóstene jitadak'ari ara mãma jok'aesidama. Maamina Galionpa mãɨ k'orea ne ãpia pida ooé pasima.

Hecho 22:21

Maamina Tachi Chiparipa mɨá jarasima: “Wãse. Mɨa pɨ t'ɨmɨa judiorãwẽmá peeipɨ”».

Romano 1:1

Mɨ Pablopɨ, Jesucristo pae pari mimiaparí. Tachi Ak'õrepa mɨ jɨrɨ atasima Jesucristopa peeda bamẽrá mãɨnepa bɨsima chi pedea pia Tachi Ak'õre k'orea jarateade wãmẽrá.

Romano 1:10

Mɨa ɨt'aa chiidiparima ichia k'ɨ̃ria bɨpɨra mɨ itu mãra ak'ɨde wãpimẽrá.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

1 Corintio 15:9

Piarã chi Jesucristopa peedadepema mɨ chi ãpiipará bɨ jĩra bɨpɨ. Ẽpẽrarã Tachi Ak'õreneerã piawẽa ooi k'orea ẽp'ẽ bada pẽra pia bɨwẽma ẽpẽrarãpa mɨ ichia peeda jaradait'a.

1 Corintio 3:9

Mɨa Apolo ome abarik'a Tachi Ak'õrepa oopi bɨt'a oo p'anɨma. Mãra sida Tachi Ak'õre ne uu ĩjũapɨ. Mãɨ awara mãra Tachi Ak'õrepa te oomaa bɨ jĩra p'anɨma.

2 Corintio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma. Nãɨ k'art'a bɨruma ẽpẽrarã Tachi Ak'õrenepemarã Corinto p'uurudepemarã pae mãɨnepa jõma ichi ẽpẽrarã Acaya tuade be pae.

2 Corintio 11:5

Chi mãɨya jarateapataɨrã ¿mãramá Jesucristopa peedaɨrã chi atepe piipará p'anɨane a k'ɨ̃risiapatak'ãra? Mɨmá ãchi k'aepẽra mɨ mi ãpia pida ãpia bɨwẽma.

2 Corintio 12:12

Mɨ mãra t'ãena baside jõma oosima, Jesucristopa peedaɨrãpa oopata jĩra. Ãarea choa basima mãɨnepa ẽpẽerãpa ne p'ue oodak'apɨ́ waibɨa be oopachima.

2 Corintio 8:5

Mãɨne ãchia abapuru taipa k'ɨ̃risia p'anana jĩra oodaé pasima. Mãɨpari naa ara ãchit'u teasidama Tachi Chiparipa k'ɨ̃ria bɨ jĩra oodai k'orea. Mãɨ ɨ̃ari taipa jaradada oosidama. Mãɨya Tachi Ak'õrepa k'ɨ̃ria bɨ jĩra arí oosidama.

Gálata 1:1

Mɨ Pablopɨ, Jesucristopa peedapɨ. Ẽpẽrarãpa mɨ jɨrɨ atadaé pasima Jesucristopa peeda bamẽrá. Mãɨpari Jesucristopa mãɨnepa ichi Ak'õrepa, ichi piu bada chok'ae p'irabaripidapa mɨ mãɨya bɨsidama.

Ep'esio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Mɨa nãɨ k'art'a bɨruma jõma ẽpẽrarã Tachi Ak'õrenepemarã Jesucristode ĩjãa be Ép'eso p'uurudepemarã pae.

Ep'esio 4:11

Ichiapuru chi eda waapẽarã bɨsima ichia peedaɨrã p'ananamẽrá, waapẽarã bɨsima Tachi Ak'õre pari pedeapataɨrã p'ananamẽrá, waapẽarã bɨsima chi pedea pia Cristo k'orea jaratea nipadamẽrá, mãɨnepa waapẽarã bɨsima ũpẽarã ak'ɨpataɨrã mãɨnepa jarateapataɨrã p'ananamẽrá.

Colosense 1:1

Mɨ Pablopɨ. Tachi Ak'õrepa pari k'ɨ̃riana pẽra mɨ Jesucristopa peedapɨ. Tachi ũpẽa Timoteo mɨ ome bɨma.

1 Timoteo 1:1

Mɨ Pablopɨ, Jesucristopa peedapɨ. Tachi Ak'õre tachi K'aripaparipa mãɨnepa Tachi Chipari Jesucristopa mɨ nãɨya bɨsidama. Tachia Jesucristode ĩjãapatama mãɨnepa ichi k'orea pia p'ananait'a k'awapatama.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

2 Timoteo 1:1

Mɨ Pablopɨ. Tachi Ak'õrepa, ichia k'ɨ̃riana pẽra mɨ Jesucristopa peedapɨ. Ichia mɨ peesima chi Tachi Ak'õrepa teai jarada chok'ae bai k'orea jarade wãmẽrá. Mãɨ chok'ae bai Jesucristodepa bɨpɨ.