Rebaleisan - end blo ebriting 8:12 - Torres Strait Creole (Yumplatok)

¹² Nau namba po einzel em bin bloue trampat blo em. Ane wan terd blo san ane wan terd blo mun ane wan terd blo dem sta i bin kam dak. Wan terd lo dei no bin gad lait, ane wan terd lo nait i bin diskain tu.

Rebaleisan - end blo ebriting 8:12 ပူးပေါင်းရင်းမြစ်များ

Matiu tokbaut Zizas 24:29

Zizas i kip spik, ‘Stretwei apta dem dei blo trabol da san i go kam dak, ane da mun nomo go gibe lait, dem sta go poldaun prom skai, ane ebridem strong samting blo skai i go seik.

Matiu tokbaut Zizas 27:45

Wen i bin kese tuelb aklok aptanun taim, da skai i bin kam dak. I bin dak prom tuelb aklok go kese tri aklok.

Mak tokbaut Zizas 13:24

‘Wea dat taim wen dem nugudting go pinis, da san i go kam dak, ane da mun nogo sain,

Mak tokbaut Zizas 15:33

Melendei i bin kam nadakain dak wase naittaim. Ebriwea wea da kantri, i bin dak po tri aua.

Luk tokbaut Zizas 21:25

Zizas i bin kip spik, ‘Olkain streinzting go apen wea da san ane mun ane ol dem sta. Ol dem neisin blo da ert go prait prom big weibnoiz ane bigtaid. Ol nogo sabe wanem po mekem.

Pas misnare wok 2:20

Da san go kam blaik ane mun go kam red wase blad bipo da prapa nadakain gud dei blo da AntapGod i go kam.

Namba 2 leta po Sos blo Korint 4:4

Satana i da bos blo dis nugud wold ane ol pipol blo dis wold i wosip em. Dempla no bilib wea God. Em bloke sens blo demkain pipol po no sabe, daswai dempla i kan luk da lait blo da Gudniuz sain antap dempla. Dempla no sabe dis mesiz blo da Gudniuz baut da truglori blo Kraist, uda i prapa seimkain wase God.

Rebaleisan - end blo ebriting 12:4

Nau em bin yuze teil blo em po pulemaut wan terd blo dem sta, ane meke dempla ebriwan poldaun prom skai kamdaun po ert. Ane em bin kam ane stanap prant lo dat oman ane dat oman i bin redi nau po bone dat beibi. Dat dragan i bin weit po da beibi po bon redi po em go kaikai em.

Rebaleisan - end blo ebriting 16:10

Da namba paib einzel i bin kapsaid boul blo em antap lo da tron blo dat wailanimal. Ane da ples wea dat wailanimal i king, i bin kam dak. Ebridem pipol blo em bin pile nadakain obamak pein ane ol i bin graine tit ane baite tang blo dempla.

Rebaleisan - end blo ebriting 6:12

Nau ai bin luk da Smolsip, em bin broke da namba siks lok lo da skrol. Ane i bin gad wan big ertseik. Da san bin tan kam blaik wase blaik kaliko, ane da mun em i bin kamap red kala wase blad.

Rebaleisan - end blo ebriting 9:15

Da namba siks einzel bin lete dem po einzel go pri. Dem po einzel i bin redi weit po dis taim ya nau po kile wan terd blo ebri pipol lo ert.

Rebaleisan - end blo ebriting 9:18

Demtri bigpanis ya, i paia ane smok ane salpaston, i bin kamaut prom maut blo dem os. Demtri bigpanis ya nau i bin kile wan terd blo ebri pipol lo ert