Rebaleisan - end blo ebriting 7:3 - Torres Strait Creole (Yumplatok)

³ Em i bin spik po dem seim po einzel diskain, ‘Weitpas! Yupla no spoile da graun, da big solwata ane ol dem tri yet. Ai mas pute spesil mak lo pored blo ol dem pipol blo God pas.’

Rebaleisan - end blo ebriting 7:3 ပူးပေါင်းရင်းမြစ်များ

Matiu tokbaut Zizas 24:22

Ip God nogo stape dis trabol, i nogo gad nobodi lept. Bat God i sabe. Em mata go meke dis trabol go po sotwail, bikoz em bin pinis suze ol pipol blo em.

Matiu tokbaut Zizas 24:31

Ane wen dat trampat i go blou nadakain adwan, ol einzel i go go prom nada end, tu nada end blo eben ane ert, ane go teke dem pipol wea God i bin suzem kam tugeda.’

Zon tokbaut Zizas 12:26

Enibodi uda i wande mekem wanem ai spik, mas mata kam ane pole mi. Ane wea ai stap, ol sebant blo mi i go stap de wea mi tu. Ip enibodi i mekem wanem ai spik, PapaGod i go gibe dempla spesil ona.

Zon tokbaut Zizas 3:33

Demwan uda i bin bilib wea em, i bin paindaut dem tok blo God i prapa trutok.

Leta po Sos blo Rom 6:22

Bat nau yupla i pri prom da paua blo sin ane yupla bin kam ol sleib blo God, ane dem gudting wea yupla mekem i go meke yupla kam oli ane meke yupla api. Den apta, yupla go mata stap longlaip poeba.

Rebaleisan - end blo ebriting 13:16

Nau da namba tu wailanimal i bin pose ebridem pipol po gede wan mak lo raitan o lo pored blo dempla ebribodi, nomata dem pipol i aiklas o louklas pipol, nomata demwan i risman o poaman, nomata demwan i priman o sleib.

Rebaleisan - end blo ebriting 13:17

So nau, eniwan uda nogad dis mak wea em, em i kan baie eniting o sele eniting. Ane dis mak nau em i da neim blo dat wailanimal, o da namba wea i min da neim blo em.

Rebaleisan - end blo ebriting 14:1

Den ai bin luk da Smolsip wea em i stanap antap lo Maunt Zaion, ane stanap lo em i bin gad 144,000 pipol uda bin gad neim blo da Smolsip ane neim blo PapaGod blo em wea i bin raitem lo pored blo dempla.

Rebaleisan - end blo ebriting 14:9

Nau ai bin luk namba tri einzel, i bin kam biain lo dem nada tu einzel, ane em i bin ala diskain, ‘Demwan uda i wosip dat wailanimal ane dat kabing blo em, o demwan uda gad mak blo da wailanimal lo pored o lo raitan blo dempla,

Rebaleisan - end blo ebriting 19:2

Demwei blo em po zaz, i ebritaim tru ane stret. God bin pinis zaze dis strong nugudoman ya uda i slipraun wea olkain man po mani. Dis oman bin spoile dis wold wea ol dem nugud sekssin blo em. God em i bin panse dis oman ya bikoz em i bin kile dem wokman blo God.’

Rebaleisan - end blo ebriting 20:4

Den ai bin luk gen, ai luk mo tron, ane dem pipol uda i sidaun lo dem tron ol i kare lo po zaz. Ai bin luk ol spirit blo ebridem pipol wea ol i bin katemaut ed blo dempla bipo, bikoz dempla i bin pris da trutok baut Zizas, ane dempla i bin spikaut dem wod blo God tu. Ane ai bin luk dem spirit blo dempla uda no bin wosip dat wailanimal ane kabing blo em. Dempla no bin gede da mak blo da wailanimal lo pored o lo an blo dempla. Dempla bin kambaik laip ane God bin meke dempla gad paua po rul tu wea Kraist po 1,000 iya.

Rebaleisan - end blo ebriting 22:4

Ane dempla ebribodi i go luk pes blo em, ane neim blo em i go stap lo pored blo dempla.

Rebaleisan - end blo ebriting 6:6

Nau ai bin lisen bois i kam prom melen dem po laipsamting, i spik diskain po dat osman, ‘I go teke wan dei pei po baie plaua blo wit po meke wan loupbred o po baie plaua blo balisid po meke tri loupbred. Bat yu no damiz dem olibtri ane dem greipbain.’

Rebaleisan - end blo ebriting 7:1

Apta dem samting i bin apen, ai bin luk po einzel wea ol i stanap lo dem pokona blo dis wold. Ol i bin stanap ane stape dem po win blo ert prom blou. No wan lip i mub wea tri, ane solwata i bin prapa stil, wase gris.

Rebaleisan - end blo ebriting 7:2

Nau ai bin luk nada einzel, em i bin prom da istsaid. Ane em i bin kare spesil stamp, po meke mak po prubem dat dempla i pipol blo da trulaip God. Ane em i bin singaut mina laudwan po dem nada po einzel, wea God em i bin gibe dempla paua po spoile da graun ane da big solwata.

Rebaleisan - end blo ebriting 9:4

Ane sambodi i bin spik po dem grasopa po no spoile ol gras, plant ane ol tri. Bat ol i bin spik dem grasopa po stinge dem pipol uda nogad no mak blo God lo pored blo dempla.