Rebaleisan - end blo ebriting 6:6 - Torres Strait Creole (Yumplatok)

⁶ Nau ai bin lisen bois i kam prom melen dem po laipsamting, i spik diskain po dat osman, ‘I go teke wan dei pei po baie plaua blo wit po meke wan loupbred o po baie plaua blo balisid po meke tri loupbred. Bat yu no damiz dem olibtri ane dem greipbain.’

Rebaleisan - end blo ebriting 6:6 ပူးပေါင်းရင်းမြစ်များ

Matiu tokbaut Zizas 24:7

Bipo da pinistaim go kam, ol nada kantri go pait gense nada kantri, ane i go gad ertseik lo ebri eria blo da wold, ane prapa plenti pipol i go anggre ebriwea raun lo da wold tu.

Rebaleisan - end blo ebriting 4:6

Ane prant lo da tron, ai bin luk samting wase solwata wea i sain wase glas. Nau ai bin luk po laipsamting i stanap raun lo da tron. Ol dem laipsamting, dempla i gad ai ebriwea lo dempla, prant ane baik.

Rebaleisan - end blo ebriting 4:8

Nau dem po laipsamting, dempla ebriwan i bin gad siks wing, ane dempla gad plenti ai wea i stap ebriwea lo bodi blo dempla, iben andanit lo wing blo dempla tu ane da ausaid pat blo dem wing. Ane nomata i naittaim o deitaim, ol no sabe taiat bat dempla mata sing diskain: ‘Oli, Oli, Oli, i da LodGod, da Strong AntapGod blo yumpla, da wan uda i ya nau, ane da seimwan i bin de pas ane da seimwan uda i go kam.’

Rebaleisan - end blo ebriting 7:3

Em i bin spik po dem seim po einzel diskain, ‘Weitpas! Yupla no spoile da graun, da big solwata ane ol dem tri yet. Ai mas pute spesil mak lo pored blo ol dem pipol blo God pas.’

Rebaleisan - end blo ebriting 9:4

Ane sambodi i bin spik po dem grasopa po no spoile ol gras, plant ane ol tri. Bat ol i bin spik dem grasopa po stinge dem pipol uda nogad no mak blo God lo pored blo dempla.