Rebaleisan - end blo ebriting 5:5 - Torres Strait Creole (Yumplatok)

⁵ Nau wan prom dem tuenti po elda ya em i spik lo mi diskain, ‘Man, yu no krai! Yu sabe uda dat man ya? Em dat Laian, dat prapa strong lida uda i kam prom pamlelain blo Zuda. Ane prapa bigate blo em, i King Deibid. Em bin win. Em nau da wan uda i gad rait po broke dem seben lok ane po opene dis skrol.’

Rebaleisan - end blo ebriting 5:5 ပူးပေါင်းရင်းမြစ်များ

Luk tokbaut Zizas 23:28

Zizas bin sluraun po dempla ane spik, ‘Yupla ya, ol oman prom Zarusalem, yupla no krai po mi. Yupla mata krai po yuplaselp ane ol pikinini blo yupla.

Luk tokbaut Zizas 7:13

Wen da BosLod bin luk da widooman, em bin prapa sore po em. Em bin toknais po em, ‘Mai gel. Yu no krai.’

Luk tokbaut Zizas 8:52

Ebribodi uda bin stanap de bin mata krai ane prapa sore. Zizas bin spik stret po dempla, ‘Ei, wanem yupla krai po? Em no ded. Em slip.’

Zon tokbaut Zizas 20:13

Demtu i bin askem, ‘Oman, wanem yu bigkrai po?’ Meri i bin spik baigen po demtu, ‘Ai krai bikoz ol i bin teke BosLod blo mi go ane ai no sabe wea dempla bin pute em.’

Leta po Sos blo Rom 1:3

Dis Gudniuz prom God i bin baut Boi blo em Zizas Kraist, uda i bin bon wase man ane bin kamaut prom pamlelain blo King Deibid.

Leta po Sos blo Rom 15:12

Ane da spesilmesizman Aizaia i bin spik: ‘Sambodi i go kamaut prom pamlelain blo bigate Deibid. God i go meke em king blo dem Nozuwispipol. Dempla i go bilib wea em dat em go elpe dempla.’

Leta po Ibrupipol 7:14

I prapa klia, da BosLod blo yumpla i bin kam prom pamlelain blo Zuda, ane Mozes i no bin tok nating baut eni prist uda i bin kam prom dat pamlelain blo Zuda.

Rebaleisan - end blo ebriting 1:1

Ebridem wod ya wea dis buk i kam prom Zizas Kraist wanem God bin soem po Zizas ane dis buk i tokbaut ebridem samting wanem i go apen. Nau Zizas Kraist em bin sane einzel blo em po Zon, uda i sebant blo God, solong Zon i go tokbaut ebridem seimting po dem nada sebant blo God.

Rebaleisan - end blo ebriting 22:16

Zizas i bin spik, ‘Ai Zizas, ai da wan uda bin sane einzel blo mi po yu po spikaut da mesiz po yupla wea ebridem sos. Ai da seimwan uda i bin bon lo pamlelain blo King Deibid ane nau ai go kam king blo dat tron blo em. Ai nau wase dis sta wea i sain lo moningtaim wea i prapa brait.’

Rebaleisan - end blo ebriting 3:21

Ai go singaut dempla ebribodi uda i bin stanap strong ane win gense dem nugudting. Ol i go sidaun longsaid lo mi wea tron blo mi. Dempla gobi seimkain wase mi, ai bin win gense dem nugudting ane nau ai bin sidaun lo tron longsaid wea PapaGod blo mi.

Rebaleisan - end blo ebriting 4:10

dem tuenti po elda ya, dempla olgeda poldaun ane wosip prant lo dis man wea em i mata stap longlaip poeba ane em no sabe ded. Ane dempla putem daun dem kraun blo dempla prant lo tron, ane dempla sing diskain:

Rebaleisan - end blo ebriting 4:4

Ane raun lo da tron, ai bin luk tuenti po nada tron. Nau wea dem tron ai bin luk tuenti po elda i sidaun wea dem tron. Ol i bin were wait kaliko ane dempla ebribodi i bin were kraun wea i mekem prom gold.

Rebaleisan - end blo ebriting 5:4

Den ai bin base mina bigkrai bikoz ol kan paine eni man uda i gad rait po opene dis skrol ane rid wanem i spik insaid lo em.

Rebaleisan - end blo ebriting 6:1

Wail ai bin luk da Smolsip, em bin broke da pas lok prom dem seben lok lo dat skrol. Den wan prom dem po laipsamting i bin singaut mina laudwan, ane bois blo em i wase tanda. Em spik diskain, ‘Yu kam!’

Rebaleisan - end blo ebriting 7:13

Nau wan prom dem tuenti po elda i bin aske mi diskain, ‘Uda nau dem pipol ya lo wait kaliko? Wea dempla kam prom?’