Rebaleisan - end blo ebriting 4:8 - Torres Strait Creole (Yumplatok)

⁸ Nau dem po laipsamting, dempla ebriwan i bin gad siks wing, ane dempla gad plenti ai wea i stap ebriwea lo bodi blo dempla, iben andanit lo wing blo dempla tu ane da ausaid pat blo dem wing. Ane nomata i naittaim o deitaim, ol no sabe taiat bat dempla mata sing diskain: ‘Oli, Oli, Oli, i da LodGod, da Strong AntapGod blo yumpla, da wan uda i ya nau, ane da seimwan i bin de pas ane da seimwan uda i go kam.’

Rebaleisan - end blo ebriting 4:8 ပူးပေါင်းရင်းမြစ်များ

Zenasis - Stat blo ebriting 17:1

Wen Abram bin kese 99 iya oul, da AntapGod i bin kam ane soe emselp po em. Da AntapGod i bin spik po em, ‘Ai da Strong AntapGod. Yu mas meke ebriting wea i rait prant lo mi ane no meke eni nugudting.

Pas misnare wok 20:31

So yupla mas lugaut! Rimemba ai bin stap ya wea yupla po tri iya. Ane ai bin krai po yupla ebriwan. Ai no bin stap prom wone yupla tu.

Namba 2 leta po Sos blo Korint 6:18

Ai gobi PapaGod blo yupla ane yupla i gobi ol boi ane ol gel pikinini blo mi. Ai da Strong AntapGod ya spik demkain.’

Namba 1 leta po Sos blo Tesalonika 2:9

Ol amenpamle. Yupla rimemba a, wen miplatri i bin pris da Gudniuz blo God po yupla, wiskain adwok mipla bin mekem de wea yupla? Deitaim ane naittaim mipla bin wok nadakain ad po meke mani po gede kaikai po lukapta miplaselp, solong mipla nogo mekem ad po yupla de.

Namba 1 leta po Timoti 4:16

Prapa stadi yuselp wiskain laip yu gad, ane mina stadi yuselp wiskain yu tise ol pipol. Yu kip meke ol dem raitting ane God i go seibe yu ane God i go seibe dem pipol uda i lisen po yu.

Namba 2 leta po Timoti 4:2

Timoti, mata prise dem wod blo God. Kip prise dem wod nomata i da raittaim o i no da raittaim. Tok wea gudwei, soe dempla wanem dem rongting ol i mekem solong ol i go meke dem raitting. Graule dempla po strete dempla wea sopt gudwei ane tok po dempla po meke dempla pil strong wen yu tise dempla.

Leta po Ibrupipol 13:8

Tingbaut diswan ya. Zizas Kraist i da seim, yestidei, tidei ane poeba.

Rebaleisan - end blo ebriting 1:4

Ai Zon ya, ai raite dis leta ya po yupla ebriwan de lo dem seben sos lo steit lo Eiza. Spesilpeiba ane pis ya i kam prom God uda i stap lo yumpla, da wan uda i ya nau, ane da seimwan i bin de pas ane da seimwan uda i go kam. Ane spesilpeiba ane pis i kam wantaim prom dem seben spirit prant wea dat spesil tron blo God.

Rebaleisan - end blo ebriting 1:8

Da LodGod em i spik, ‘Ai da paswan bipo ebri samting ane ai da laswan biain ebri samting ya. Ai da wan uda i ya nau, ane da seimwan i bin de pas ane da seimwan uda i go kam, da Strong AntapGod.’

Rebaleisan - end blo ebriting 11:17

Ane dempla i bin spik diskain: ‘Mipla eso yu, LodGod, da Strong AntapGod, da wan uda mata ya, ane da wan uda i bin mata de pas. Prom diskaintaim nau yu bin stat po yuze da bigpaua blo yu, ane yu bin stat po rul wase king.

Rebaleisan - end blo ebriting 14:11

Ane smok blo da paia wea i meke dempla po sapa nadakain, dat smok i go kipgo antap pogud ane i nogo pinis. Dempla de nogad spel lo deitaim ane naittaim bikoz dempla bin wosip dat wailanimal ane dat kabing blo em, ane dempla gad da mak blo dat wailanimal.’

Rebaleisan - end blo ebriting 14:3

Ebridem 144,000 pipol i bin stanap prant wea da tron blo God ane prant lo dem po laipsamting ane dem tuenti po elda. Ane ol dem pipol ya i bin sing wan niu sing wea no nada man i ken kese da sing. Ebridem pipol ya i demwan wea God i bin pinis meke dempla pri prom demwan blo da wold.

Rebaleisan - end blo ebriting 15:3

Ane dempla ebribodi i bin sing dis sing wea Mozes i bin sing, ane da Smolsip tu em i sabe da sing. Ol i sing diskain: ‘LodGod, da Strong AntapGod. Ebridem wok blo yu ol i prapa big, ane ebribodi i prapa atzamp prom ol dem wok blo yu. Yu nau King blo ebridem kantri lo da wold, ane ebriwei blo yu i mata stret ane prapa tru.

Rebaleisan - end blo ebriting 15:7

Den wan prom dem po laipsamting em bin gibe ebridem seben einzel gold boul wea i bin pulap wea dat wail blo God, uda i mata stap longlaip poeba ane em i no sabe ded.

Rebaleisan - end blo ebriting 16:14

Dem nugudspirit ol i gad paua po meke olkain mirikal. Dem nugudspirit ol i bin go po dem king lo ebridem ples lo da wold po kam tugeda. Dempla ebribodi go pait go gense God lo dat prapa big zazmentdei blo da Strong AntapGod.

Rebaleisan - end blo ebriting 16:7

Ane gen ai bin lisen bois i kam prom olta diskain: ‘Wa! Yu LodGod, da Strong AntapGod. Wei blo yu po zaz, i tru ane stret ebritaim!’

Rebaleisan - end blo ebriting 19:15

Wan sap sod i bin kamaut prom maut blo dis man, ane em i yuze diswan po smase ebridem kantri. Ane em i gad paua po rule ebridem kantri wase prapa bigbos. Em i go lego dat big wail blo God, da Strong AntapGod. Ane God i go damiz dempla so blad blo dempla i go ranaut ebriwei.

Rebaleisan - end blo ebriting 19:4

Ane dem tuenti po elda ane dem po laipsamting, ol i bin poldaun ane wosip God uda i sidaun lo tron, ane ol i bin spik, ‘Amen. Yumpla preize da AntapGod!’

Rebaleisan - end blo ebriting 21:22

Bat ai no bin luk eni tempol insaid lo dis siti, bikoz da LodGod, da Strong AntapGod ane da Smolsip, demtu i da tempol blo da siti.

Rebaleisan - end blo ebriting 3:7

Dis man i bin kip spik, ‘Raite dis leta po einzel blo sos de lo Piladelpia: Dis mesiz i kam prom da wan uda i oli ane mata blo spik trutok, ane em kare ki ya wea King Deibid i bin karem. Ip em opene doa, no man i sabe po satem, ane ip em satem, no man i sabe po openem.

Rebaleisan - end blo ebriting 4:4

Ane raun lo da tron, ai bin luk tuenti po nada tron. Nau wea dem tron ai bin luk tuenti po elda i sidaun wea dem tron. Ol i bin were wait kaliko ane dempla ebribodi i bin were kraun wea i mekem prom gold.

Rebaleisan - end blo ebriting 4:6

Ane prant lo da tron, ai bin luk samting wase solwata wea i sain wase glas. Nau ai bin luk po laipsamting i stanap raun lo da tron. Ol dem laipsamting, dempla i gad ai ebriwea lo dempla, prant ane baik.

Rebaleisan - end blo ebriting 4:9

Nau dem po laipsamting ya, dempla mata liptemap neim ane preizem ane gibem eso, po da man uda sidaun wea tron. Em i mata stap longlaip poeba ane em no sabe ded. Ane ebritaim dempla mekem diskain,

Rebaleisan - end blo ebriting 5:6

Nau ai bin luk wan Smolsip wea em i stanap prant wea dat tron ane dem po laipsamting ane dem tuenti po elda tu, i bin stanap raun lo em. Ane da Smolsip em i luk wase sambodi i bin kile em. Em i gad seben on lo em ane seben ai tu. Diswan i dem seben spirit blo God wea em i sane dempla goaut ebriwea insaid lo da wold.

Rebaleisan - end blo ebriting 6:1

Wail ai bin luk da Smolsip, em bin broke da pas lok prom dem seben lok lo dat skrol. Den wan prom dem po laipsamting i bin singaut mina laudwan, ane bois blo em i wase tanda. Em spik diskain, ‘Yu kam!’

Rebaleisan - end blo ebriting 6:6

Nau ai bin lisen bois i kam prom melen dem po laipsamting, i spik diskain po dat osman, ‘I go teke wan dei pei po baie plaua blo wit po meke wan loupbred o po baie plaua blo balisid po meke tri loupbred. Bat yu no damiz dem olibtri ane dem greipbain.’

Rebaleisan - end blo ebriting 7:11

Nau ebridem einzel ol i bin stanap raun lo da tron ane ol dem elda ane dem po laipsamting tu. Ane dempla ebribodi bin poldaun pesdaun prant lo da tron ane ol bin wosip God.

Rebaleisan - end blo ebriting 7:15

“Daswai dempla i gad rait po stanap prant lo da tron blo God. Ane ebridei ane ebrinait ol i wosip em insaid lo Tempol blo em. Ane da wan uda i sidaun lo da tron go stap melen lo dempla ane go lugaut dempla.