Rebaleisan - end blo ebriting 3:14 - Torres Strait Creole (Yumplatok)

¹⁴ Dis man i bin kip spik, ‘Raite dis leta po einzel blo sos de lo Ladasia. Dis mesiz i kam prom da man uda da Truwan, ane em kan tan go nadawei prom yumpla. Ane em da man blo mata tok stret ebridem wod blo God. Em i nau bos blo ebridem samting God i bin mekem:

Rebaleisan - end blo ebriting 3:14 ပူးပေါင်းရင်းမြစ်များ

Zenasis - Stat blo ebriting 49:3

‘Ruben, yu pas pikinini blo mi ane yu bin pikinini blo mi wen ai bin prapa strong man. Yu da prapa spesilwan ane strongwan prom ebridem boi blo mi.

Zon tokbaut Zizas 1:3

God i bin meke ebriting tru da Mesiz. Ip i no bin gad da Mesiz, den God i no bin meke eni demting wea em i bin mekem.

Zon tokbaut Zizas 8:14

Zizas i bin ansa dempla, ‘Nomata ai tokbaut maiselp, ai spik trutok baut uda mi. Bikoz ai prapa sabe da ples wea ai bin kam prom ane wea ai go go. Bat yupla i prapa no sabe demting baut mi, wea ai bin kam prom o wea ai go go.

Namba 2 leta po Sos blo Korint 1:20

Ebridem promis blo God i kam bikoz prom wanem Kraist i bin mekem. Wa, i truwan. So yumpla ken spik ‘Amen’, wen yumpla bloubaut God, spik God i nadakain gud.

Leta po Sos blo Kolosi 1:15

Yumpla i bin luk Kraist, em i seimkain wase God, dat seim God wea nobodi i kan luk. Em bin de pas bipo God i bin meke ebriting. Ane em pas boi uda i bos blo ebriting God bin mekem.

Leta po Sos blo Kolosi 1:18

Em i da paswan prom God wea em i mata stap laip. Em i da paswan bipo ebriting, da paswan po gedap laipgen, ane bikoz prom demting, em i da paswan bipo ebriting. Daswai Kraist i da bos blo da sos, ane da sos i da bodi blo Kraist.

Leta po Sos blo Kolosi 2:1

Ai prapa wande yupla ol dem Kristian de wea Kolosi ane da taun blo Ladasia, po sabe ai bin wok prapa ad po elpe yupla, ane po dem nada Kristian de tu uda i no bin luk pes blo mi.

Leta po Sos blo Kolosi 4:16

Apta wen yupla i bin pinis ride dis leta de lo da sos blo Kolosi, sane dis leta go po da sos blo Ladasia. Ane dat nada leta de wea ai bin sanem go po da sos blo Ladasia, apta wen dempla pinis ridem, dempla mas sanem go po da sos blo Kolosi, so ebribodi i go rid demtu leta.

Rebaleisan - end blo ebriting 1:11

Dat bois i spik, ‘Yu mas raitem daun lo wan buk wanem yu luk. Apta, yu mas sane da buk go po dem seben sos ya, Episis, Smerna, Pegamam, Taitira, Sadis, Piladelpia, ane Ladasia.’

Rebaleisan - end blo ebriting 1:5

Ane blesing ane pis i kam prom Zizas Kraist tu. Em i man po mata spik stret ebridem wod blo God, ane wea em i pas man po kambaik laip prom ded. Ane wa, em i prapa bigbos antap lo ebri king lo dis wold. Mata preize em uda gad prapa biglab po yumpla. Em da seimwan uda bin tekemaut ebridem sin prom yumpla wea blad blo em.

Rebaleisan - end blo ebriting 19:11

Nau ai bin luk gen ane eben i bin open, ane ai bin luk wan wait os. Ane i gad wan man wea em i sidaun antap lo dat os. Neim blo dat man i, ‘Stanap strong ane Truwan,’ bikoz wen em i zaze pipol ane wen em i go po pait, wei blo em, em i prapa rait ane stret.

Rebaleisan - end blo ebriting 2:1

Dis man em i kip spik, ‘Raite dis leta po einzel blo sos de lo Episis. Dis mesiz i kam prom da man uda i kare dem seben sta lo raitan blo em, da seimwan uda i wagbaut melen lo dem seben gold lampstan:

Rebaleisan - end blo ebriting 21:6

Ane em bin spik po mi gen, ‘Ebridem samting i pinis nau! Mi nau da paswan bipo ebridem samting ane mi nau da laswan tu biain ebridem samting. Eniwan uda i wande wata po dringk, yu ken enitaim kam po dringk lo dem preswata wea i gibe laip.

Rebaleisan - end blo ebriting 22:13

Mi nau da paswan ane mi nau da laswan. Mi da paswan bipo ebridem samting ane mi da laswan tu biain ebridem samting.’

Rebaleisan - end blo ebriting 22:6

Apta, da einzel i bin spik po mi diskain gen, ‘Ol dem tok ya ai spik, i prapa trutok ane demting i go prapa apen. Da LodGod uda bin gibe ol tok blo em po ol dem spesilmesizman, em bin sane einzel kam po spik ol wokman blo em wanem i go apen sun.’

Rebaleisan - end blo ebriting 3:7

Dis man i bin kip spik, ‘Raite dis leta po einzel blo sos de lo Piladelpia: Dis mesiz i kam prom da wan uda i oli ane mata blo spik trutok, ane em kare ki ya wea King Deibid i bin karem. Ip em opene doa, no man i sabe po satem, ane ip em satem, no man i sabe po openem.