Rebaleisan - end blo ebriting 22:6 - Torres Strait Creole (Yumplatok)

⁶ Apta, da einzel i bin spik po mi diskain gen, ‘Ol dem tok ya ai spik, i prapa trutok ane demting i go prapa apen. Da LodGod uda bin gibe ol tok blo em po ol dem spesilmesizman, em bin sane einzel kam po spik ol wokman blo em wanem i go apen sun.’

Rebaleisan - end blo ebriting 22:6 ပူးပေါင်းရင်းမြစ်များ

Zenasis - Stat blo ebriting 41:32

Ane bikoz da Pero king i bin gad da drim tu taim, i min God i prapa meke main blo em baut demting, ane God i go meke demting po apen sun.

Matiu tokbaut Zizas 13:41

Ai da Truwan blo Man i go sane ol einzel blo mi godaun po ert. Dempla i go tekemaut prom da ples wea God i go ruloba ebribodi, ebridem pipol uda i bin meke nugudting ane uda bin meke ol nada pipol po meke nugudting.

Luk tokbaut Zizas 1:70

Prapa mina longtaim de pas, God i bin promis wea ol dem spesilmesizman blo em,

Luk tokbaut Zizas 16:16

‘Yupla bin gad dem Mozeslo ane ol dem longtaim spesilmesizman blo God, raitap po da taim blo Zon Baptaizman. Bat prom dat taim da Gudniuz bin kamaut diskain, God go meke niuples wea em go ruloba ebriwan, ebriwan go trai po puse wei blo dempla go de.

Pas misnare wok 12:11

Den Pita i bin sabe disting wanem bin apen po em i bin tru. Em tok po emselp diskain, ‘Ei lugaut! Nau ai sabe da BosLod i bin sane einzel blo em po seibe mi prom Erod ane prom ol dem nugudting wea dem Zuwislida i bin wande mekem po mi.’

Pas misnare wok 3:18

Bat God bin spik pas tru dem bipotaim spesilmesizman blo em, dat Promiswan uda God i go sanem kam, i go sapa. Ane em i bin meke demting kam tru, bikoz diswan i da wei wanem God i wandem.

Leta po Sos blo Rom 1:2

God i bin promis dis Gudniuz de prapa longtaim pas tru dem spesilmesizman blo em. Den dempla i bin raiting dem promis blo God daun.

Namba 1 leta po Sos blo Korint 14:32

Tingbaut dem pipol uda gede dem spesilmesiz. Dempla prapa sabe po kontrol demplaselp, daswai dempla ken weit po dempla sans po tok.

Namba 1 leta po Sos blo Korint 7:29

Mai labing bala ane sisi, wanem ai min i diswan ya. Da taim i klostu nau, dem maretman mas no laue maret po stape dempla prom meke wok blo God.

Namba 2 leta po Sos blo Tesalonika 1:7

God i go gibe yupla ane miplatri pis prom ol dem trabol ane God i go soe dis gudpasin blo em wen da BosLod Zizas go kamdaun prom eben wea ol strong einzel blo em.

Leta po Ibrupipol 12:9

Yumpla ebribodi i gad papa ya lo ert uda i bin strete yumpla, ane yumpla i rispekt dempla. Wa, den i mina nadakain mo impotant, yumpla mata lisen po PapaGod wea gudat wen em i strete yumpla, solong yumpla i go gede longlaip poeba.

Namba 2 leta prom Pita 1:21

I nogad no spesilmesizman wea Baibol uda i bin spik dempla oun mesiz, bat i bin mata da OliSpirit i bin mube dem spesilmesizman po spik mesiz prom God.

Namba 2 leta prom Pita 3:2

Ai wande yupla po rimemba ane po prapa kesem wanem dem oli spesilmesizman blo God i bin spik de bipotaim, ane rimemba wanem yumpla BosLod Zizas Kraist, da wan uda seibe yumpla, i bin tok strong tru dem misnareman blo yupla.

Rebaleisan - end blo ebriting 1:1

Ebridem wod ya wea dis buk i kam prom Zizas Kraist wanem God bin soem po Zizas ane dis buk i tokbaut ebridem samting wanem i go apen. Nau Zizas Kraist em bin sane einzel blo em po Zon, uda i sebant blo God, solong Zon i go tokbaut ebridem seimting po dem nada sebant blo God.

Rebaleisan - end blo ebriting 18:20

Yupla de lo eben, yupla mas glad prom dat panis wea dat oman i gedem. Seim po yupla tu, ol dem pipol blo God, dem misnareman ane dem spesilmesizman. Yupla mas glad lo dis panis, bikoz God em bin zaze dat oman ya prom ol dem nugudting wea em i bin mekem po yupla.

Rebaleisan - end blo ebriting 19:9

Nau dat einzel i bin spik po mi diskain, ‘Yu raitem daun diswan: Dem pipol uda go kam po pisting blo maret blo da Smolsip, God i go blese dempla.’ Ane dat einzel em bin spik gen po mi, ‘Dis tok wanem ai bin spik, i prapa trutok blo God.’

Rebaleisan - end blo ebriting 21:5

Nau dis man uda i sidaun lo tron, em i bin spik diskain, ‘Luk, ai meke ebridem samting kamaut niu!’ Ane em bin spik gen diskain, ‘Yu raitem daun ol dem tok ya bikoz dem tok i prapa trutok ane demting i go prapa apen.’

Rebaleisan - end blo ebriting 21:9

Nau wan einzel i bin kam po mi. Em i wan prom dem seben einzel uda bin kare dem seben boul wea i pulap lo dem las seben bigpanis. Em i bin spik mi diskain, ‘Yu kam! Ai go soe yu dis oman ya uda go kam oman blo dat Smolsip.’

Rebaleisan - end blo ebriting 22:1

Nau dat einzel ya, em i bin soe mi wan riba wea em i sain wase glas, ane dis riba i gad da wata i gibe laip. Em i ran kam ausaid prom da tron blo God ane blo da Smolsip,

Rebaleisan - end blo ebriting 22:16

Zizas i bin spik, ‘Ai Zizas, ai da wan uda bin sane einzel blo mi po yu po spikaut da mesiz po yupla wea ebridem sos. Ai da seimwan uda i bin bon lo pamlelain blo King Deibid ane nau ai go kam king blo dat tron blo em. Ai nau wase dis sta wea i sain lo moningtaim wea i prapa brait.’

Rebaleisan - end blo ebriting 22:7

Nau Zizas em i spik diskain, ‘Yupla lisen gud. Ai go kambaigen sun. Ane ebri pipol wea ol i bin obei ebridem tok wea God em i gibem insaid lo dis buk ya, God go blese dempla.’

Rebaleisan - end blo ebriting 4:1

Apta ai bin luk ol demting ya nau, ai bin luk wan doa lo eben i bin open. Ane ai bin lisen dat seim bois wea i bin tok po mi de pas. Nau dis bois bin saun wase big trampat, ane em i bin spik mi diskain, ‘Yu kam antap lo dis ples ya, ane ai go soe yu ebriting wanem i go apen apta diswan.’