Rebaleisan - end blo ebriting 21:7 - Torres Strait Creole (Yumplatok)

⁷ Dempla uda i win ane obei mi, dempla i go gede ebridem gudsamting prom mi, ane ai gobi God blo dempla, ane dempla i gobi pikinini blo mi.’

Rebaleisan - end blo ebriting 21:7 ပူးပေါင်းရင်းမြစ်များ

Zenasis - Stat blo ebriting 17:8

Ai go gibe dis lan po yu, ane po ol pamlelain blo yu. Ebridem lan blo Kanan i gobi blo yupla pamlelain poeba, ane ai gobi God blo dempla.’

Matiu tokbaut Zizas 19:29

Ane uda dempla i libe aus blo dempla, o bala o sisi, o papa o mama, o pikinini, o ebriting wea i blo em, po kam ane pole mi, em go gede demting andred mo baigen, ane dempla i go gede longlaip poeba tu.

Matiu tokbaut Zizas 25:21

‘So da bos i bin spik po em, “Yu bin meke prapa gudting ane yu prapa sabe po meke ol smol samting kam big. Nau, ai prapa trase yu. Yu go lugaut ol prapa big samting nau blo mi. So nau kam, yumi go meke pisting.”

Matiu tokbaut Zizas 25:34

‘Den em go spik po dempla wea da raitansaid, “Kam, PapaGod blo mi i bin pinis blese yupla. Kam ane stap lo dat ples wea God i ruloba ebribodi wea em i bin pinis mekem de prapa longtaim pas wen em i bin meke da wold.

Mak tokbaut Zizas 10:17

Zizas bin go ausaid prom dat aus redi po go po nada biliz wen wan man bin ran kam ane broke ni prant wea Zizas ane askem diskain, ‘Gudtisa. Wiskain ai go gede longlaip poeba?’

Leta po Sos blo Rom 8:14

Ebridem pipol uda meke ebriting wanem da Spirit blo God i wandem, wa, dempla ol pikinini blo God.

Leta po Sos blo Rom 8:19

Ebridem samting wea God i bin mekem wase san, mun, sta ane ol nadating, i de weit po da taim wen God i go soe demting po ol dem pikinini blo em.

Namba 2 leta po Sos blo Korint 6:16

Wiskain diswan nau, da tempol blo God i go zoin wea dem laigod? Nono, i kan! Ai tok diskain bikoz yumpla i da tempol blo da God uda i blo gibe laip. Bikoz God bin spik lo Baibol diskain: ‘Ai go stap wea dempla ane meke ol samting seimkain wiskain dempla i mekem. Ai gobi da God wea dempla i wosip ane dempla i gobi ol pipol blo mi.

Namba 2 leta po Sos blo Korint 6:18

Ai gobi PapaGod blo yupla ane yupla i gobi ol boi ane ol gel pikinini blo mi. Ai da Strong AntapGod ya spik demkain.’

Leta po Ibrupipol 8:10

Da AntapGod i bin spik: Diswan gobi niu strong griment wea ai go mekem wea dem pipol blo Izrael, apta dat dei de i go kam. Ai go pute dem tising blo mi lo sens blo dempla, so dempla go sabe. Ane ai go raitem lo at blo dempla so dempla go meke demting. Ai gobi God blo dempla ane dempla i gobi pipol blo mi.

Namba 1 leta prom Pita 3:9

Yupla i mas no peibaik dem nugudting baigen. Ane yupla i mas no spik nugudting baigen gense demwan uda i spik nugudting baut yupla. Bat mata prea po God po blese dempla, bikoz diswan nau i wanem God i wande yupla po mekem, den em go blese yupla po mekem diskain.

Rebaleisan - end blo ebriting 2:11

‘Eniwan uda wande lisen ya, em i mas lisen prapagud nau po dem tok wea da OliSpirit em i spik po dem sos ya. Dempla uda kip bilib, da sekan ded i nogo kese dempla.’

Rebaleisan - end blo ebriting 2:17

‘Eniwan uda wande lisen ya, em i mas lisen prapagud nau po dem tok wea da OliSpirit em i spik po dem sos ya. Ebribodi uda i kip bilib, go gede spesil kaikai prom eben, i kolem mana. Ane ai go gibe ebribodi, dempla oun wait ston wea i gad niu neim i gad raiting lo dem ston. Dem niu neim ya, no eni man i sabe wanem dat raiting i gad antap dem ston, mata da man uda i kare dat ston. Mata em sabe wanem neim i gad raiting antap wea da ston.’

Rebaleisan - end blo ebriting 2:25

Yupla mas mata stap strong wea datwei wea yupla gad antil ai go kambaigen.

Rebaleisan - end blo ebriting 2:7

‘Eniwan uda wande lisen ya, em i mas lisen prapagud nau po dem tok wea da OliSpirit em i spik po dem sos ya. Dempla uda lisen prapagud go win, ane ai go lete dempla po kaikai prut blo da tri i gibe laip wea em gro lo gadan blo God.’

Rebaleisan - end blo ebriting 21:3

Nau ai bin lisen bois i singaut kam prom dat tron, ane em bin singaut laudwan diskain, ‘Luk, God em i stap wea ebridem pipol blo em nau. Em i go stap lo dempla ane dempla nau i gobi pipol blo em. God emselp, em i go stap wea dempla ane em nau gobi God blo dempla.