Rebaleisan - end blo ebriting 21:23 - Torres Strait Creole (Yumplatok)

²³ Ane i no nid san ane mun po sain kamdaun lo dis siti, bikoz da sainilait blo God em i sain lo da siti. Ane da Smolsip, em tu soe lait lo da siti ya.

Rebaleisan - end blo ebriting 21:23 ပူးပေါင်းရင်းမြစ်များ

Matiu tokbaut Zizas 16:27

Ai da Truwan blo Man i go kambaik lo nadakain brait sainilait, da paua blo PapaGod blo mi ane ol einzel blo em, ane em go zaze ebridem pipol po demting wea dempla i bin mekem.

Mak tokbaut Zizas 8:38

Ip pipol i sem prom mi ane sem prom spik da mesiz blo mi wea dis nugudtaim nau wen ol pipol puse God wansaid, den ai, da Truwan blo Man, gobi sem prom dempla tu. Ai gobi sem prom dempla wen ai go kambaigen wea ol dem oli einzel ane da brait sainilait blo PapaGod blo mi ane da paua blo em.’

Luk tokbaut Zizas 2:32

Em go gibe lait po ol dem pipol blo dem nada dipren kantri, sole dempla ken bi seib tu. Ane yumpla blo Izrael go gibe em preiz ane ona.’

Zon tokbaut Zizas 1:14

Wa, da Mesiz i bin kam man ane stap ya midel wea yumpla lo wold. Ane mipla i bin luk lo ai wiswei da truglori, da sainilait blo da boi blo God. Ane da spesilpeiba ane da truwei blo dat mata wan boi blo PapaGod i bin wantaim stap wea yumpla.

Zon tokbaut Zizas 1:18

Nobodi i bin luk God lo ai. Bat mata da wan boi blo em, uda i sidaun klostu lo em. Em nau i soe yumpla uda i God.

Zon tokbaut Zizas 1:4

Prom da Mesiz nau, i gibe laip ane dat laip nau i lait blo ebri pipol blo wold.

Zon tokbaut Zizas 1:9

Dat man, uda i dat trulait wea i go kam bambai po dis wold, i go laitap laip blo ebriwan wea lait.

Zon tokbaut Zizas 17:24

PapaGod, ai prapa wande ebri demwan wea yu bin gibem po mi, po stap wea ai go stap, solong dempla i go luk da big ona wea yu bin gibem po mi, bikoz yu bin prapa labe mi de pas bipo i bin gad dis wold.

Zon tokbaut Zizas 5:23

Solong ebribodi i go lisen ane ona mi seimkainwei wiskain dempla i lisen ane ona PapaGod. Demwan uda i no lisen ane ona mi, wa, dempla tu no lisen ane ona PapaGod uda i bin sane mi kam.

Pas misnare wok 22:11

‘Dat braitlait i bin meke ai blo mi blain. So dem met blo mi bin kese an blo mi ane lide mi go po Damaskas.

Rebaleisan - end blo ebriting 14:4

Ebridem man de, no bin slip wea eni oman. Wa, dempla bin mata stap klinwan. Ane dempla ebritaim pole da Smolsip lo ebridem ples. God i bin seibe demwan prom dem nada pipol lo ert pas, ane meke dempla da pas spesil opring po em ane da Smolsip

Rebaleisan - end blo ebriting 18:1

Apta ol dem samting, ai bin luk nada einzel em i kamdaun prom eben. Em i kare lo blo bigpaua, ane dis ert i bin laitap ane sain oloba prom em.

Rebaleisan - end blo ebriting 21:11

Ane da siti i bin pulap lo dat sainilait blo God. Em i prapa sain wase wan nais ston wea i kolem zaspa. Em i klia raittru wase klin glas.

Rebaleisan - end blo ebriting 21:25

Ol dem geit no sabe sat bikoz i mata deitaim, i nogad no naittaim.

Rebaleisan - end blo ebriting 22:5

Lo dis ples ya, i nogad no naittaim ane ol i no nide lait blo lamp o lait blo san, bikoz da LodGod gobi lait blo dempla. Ane dempla go mata rul, go go no sabe pinis.

Rebaleisan - end blo ebriting 5:6

Nau ai bin luk wan Smolsip wea em i stanap prant wea dat tron ane dem po laipsamting ane dem tuenti po elda tu, i bin stanap raun lo em. Ane da Smolsip em i luk wase sambodi i bin kile em. Em i gad seben on lo em ane seben ai tu. Diswan i dem seben spirit blo God wea em i sane dempla goaut ebriwea insaid lo da wold.

Rebaleisan - end blo ebriting 7:17

Da Smolsip wea em i stanap melen lo dat tron, em i go lukapta dempla wase man uda lugaut sip. Ane em go lide dempla go po dringk lo dem preswata wea i gibe laip. Ane God em i go stape yupla prom nomo krai solong yupla nomo go sore.” ’