Rebaleisan - end blo ebriting 21:12 - Torres Strait Creole (Yumplatok)

¹² Da siti em i gad big stonwol raun lo em wea em i ai ane brod. Da stonwol em i gad tuelb geit ane tuelb einzel i bin stanap gade dem tuelb geit ya. Ane dem neim blo dem tuelb pamlelain blo dem pipol blo Izrael i bin raitem lo dem geit.

Rebaleisan - end blo ebriting 21:12 ပူးပေါင်းရင်းမြစ်များ

Matiu tokbaut Zizas 18:10

‘Lugaut, yupla. No tingk dem smolpikinini i nobodi. Ai spik yupla, dempla i gad ol einzel de antap lo eben, ane dem einzel i ebritaim de lo PapaGod blo mi.

Luk tokbaut Zizas 15:10

Ai spik yupla nau. Da seimwei ol dem einzel blo God gobi moglad bikoz wan nugudman i bin sluraun ane seinze laip blo em.’

Luk tokbaut Zizas 16:22

‘Orait nau. Lazaras bin ded ane ol einzel bin kare em go ane pute em longsaid wea Eibram. Da risman i bin ded tu ane ol bin bere em.

Pas misnare wok 26:7

Dis promis i dat seim promis wea God i bin mekem po dem tuelb pamlelain blo yumpla. Dempla bin weit po longtaim po dis promis wail dempla bin wosip God naittaim ane deitaim. Bat nau king Agripa, dem Zuwisman i bin bleime mi bikoz ai gad dis seim oup wase da bipotaim pamlelain blo yumpla.

Leta po Ibrupipol 1:14

Bat dem einzel i mata ol sebant blo God. Dempla i ol spirit wea God i sanem po lugaut dem pipol uda God i go seibem.

Rebaleisan - end blo ebriting 21:13

Ane i bin gad tri geit lo ebridem said blo da wol; tri geit lo notsaid, ane tri geit lo sautsaid, ane tri geit lo istsaid, ane nada tri geit lo wessaid.

Rebaleisan - end blo ebriting 21:15

Nau dis einzel uda bin tok po mi, em bin kare wan long mezastik mekem prom gold wea em i go meza dat siti, meza dem geit blo em ane dem wol blo em.

Rebaleisan - end blo ebriting 21:25

Ol dem geit no sabe sat bikoz i mata deitaim, i nogad no naittaim.

Rebaleisan - end blo ebriting 22:14

Ebridem pipol wea dempla i wase kaliko blo dempla, dempla ebribodi i gad rait nau po go insaid lo dem geit blo dis siti ane ol i gad rait tu po kaikai dem prut blo da tri i gibe laip. Dempla ebriwan i go gede blesing.