Rebaleisan - end blo ebriting 18:24 - Torres Strait Creole (Yumplatok)

²⁴ God i bin panse dat siti blo Babilon bikoz prom dem blad wea i bin ran lo dem strit de, da blad blo ol dem spesilmesizman ane ol dem oli pipol blo God ane blad blo ol pipol wea ol nada pipol i bin kile dempla tu ya lo ert.’

Rebaleisan - end blo ebriting 18:24 ပူးပေါင်းရင်းမြစ်များ

Matiu tokbaut Zizas 23:27

‘I gobi prapa nugud po yupla Zuwislotisa ane yupla Parasi. Yupla prapa tupes! Yupla wase greib wea dem oman i pute ol nais plaua po mekem luk nais. Bat de andanit ol bon ane olkain ratan bodipat i leidaun.

Matiu tokbaut Zizas 23:35

Prom de nau God i go panse yupla. Em go peibaik prom dat taim wea ate blo yupla i bin kile dem prapa longtaim tru biliba blo God, prom dat rait ane stret Eibol, ane Zakaraia uda i bin boi blo Barekaia. Yupla ate bin kile Zakaraia de insaid da Tempol, midel wea da olta ane da Seramoni eria.

Pas misnare wok 7:52

Yupla spik mi wan spesilmesizman uda no bin gede trabol prom dem longtaim pamlelain blo yupla. Dempla bin kile ol dem spesilmesizman uda bin kam pas po spikbaut da Rait ane Stretwan blo God, diswan Zizas, da Promiswan uda God i bin sanem. Yupla bin sele em ane kile em tu.

Namba 1 leta po Sos blo Tesalonika 2:15

Sam dem Zuwispipol i bin kile dem spesilmesizman blo God blo dempla. Ane sam dempla iben bin kile da BosLod Zizas. Ane dempla i bin meke ol prapa nadakain nugudting po miplatri ane bin seswei mipla. God i prapa no laik demkain pasin po meke ol nugudwei gense ebribodi,

Rebaleisan - end blo ebriting 11:7

Wen demtu bin pinis ebridem tok blo God, den wan big wailanimal i go kamaut prom dat big dip oll wea em i nogad no batam. Ane em go pait demtu ane apta wen em go bite demtu em i go kile demtu.

Rebaleisan - end blo ebriting 16:6

Dem madara i bin kapsaid dem blad blo dem pipol blo yu ane blo dem spesilmesizman blo yu. Blad blo dempla i bin ran ebriwei lo da graun. Yu bin gibe dem madara, mata blad po dringk. Diswan i da riwod blo dempla!’

Rebaleisan - end blo ebriting 17:6

Den ai bin luk dat oman i bin spak prom dringk da blad blo dem oli pipol blo God ane blad blo demwan uda bin pole tising blo Zizas. Wen ai bin luk em, ai bin mina atzamp.

Rebaleisan - end blo ebriting 19:2

Demwei blo em po zaz, i ebritaim tru ane stret. God bin pinis zaze dis strong nugudoman ya uda i slipraun wea olkain man po mani. Dis oman bin spoile dis wold wea ol dem nugud sekssin blo em. God em i bin panse dis oman ya bikoz em i bin kile dem wokman blo God.’