Rebaleisan - end blo ebriting 18:14 - Torres Strait Creole (Yumplatok)

¹⁴ Ane nau ol dem biznisman ya ol i spik diskain po dat oman: ‘Ol dem plasting wea yu tumas laik, yu nomo go gad nau. Ebridem ris samting lo yu ane demting wea em i luk nais lo yu, ol i pinis prom yu nau. Ebridem samting i pinis.’

Rebaleisan - end blo ebriting 18:14 ပူးပေါင်းရင်းမြစ်များ

Matiu tokbaut Zizas 11:8

So wanem yu bin go de po luk? Yupla bin tingk em bin risman were ol prapa plasklos? Pipol uda i dresap demkain, were ol prapa plasklos, ol stap lo palis. Ol i no stap lo ples wea i nogad man.

Luk tokbaut Zizas 12:20

‘Bat God bin spik po em, “Ei, yu stupit man! Yu meke mi wail. Dis nait yu go ded. Wanem i go apen nau wea ol demting wea yu bin kipem?”

Luk tokbaut Zizas 16:25

‘Bat Eibram bin ansa em diskain, “Mai boi. Yu sabe wen yu bin laip wea ert. Yu bin gad ol plenti gudting, bat Lazaras bin gad olkain nugudtrabol wea em. Bat nau, yu gad trabol ane pein, ane Lazaras i gad pis ya.

Namba 1 leta po Sos blo Korint 10:6

Demting wea i bin apen i po wone yumpla, solong yumpla nogo wande meke ol nugud samting wiskain dempla i bin mekem,

Leta prom Zemes 4:2

Yupla prapa wande ol samting yupla nogad ane yupla meke ol nugud plan po kile dem pipol sole yupla ken teke dem samting blo dempla wanem yupla prapa wandem. Yupla prapa gad big ubi po dem samting bat yupla stil kan gedem, so yupla mata agiu ane pait. Daswai yupla nogad nating bikoz yupla no aske God.

Rebaleisan - end blo ebriting 18:13

Ane i gad ol nada kago, oil wea i gad switsmel, olkain diprenkain insens, wain, oliboil, plaua ane wit, olkain kau, sip, os ane olkain oskariz ane ol pipol wea dempla i sleib.

Rebaleisan - end blo ebriting 18:15

Ane ol dem biznisman ya wea dempla i bin kam prapa ris prom sele ol dem kago po em, dem biznisman i bin stanap lelbet longwei bikoz ebriwan prom dempla i prait bambai ol i go gede da seimkain panis ya wiskain da siti i gedem. Ol i go bigkrai mina laudwan: