Rebaleisan - end blo ebriting 18:13 - Torres Strait Creole (Yumplatok)

¹³ Ane i gad ol nada kago, oil wea i gad switsmel, olkain diprenkain insens, wain, oliboil, plaua ane wit, olkain kau, sip, os ane olkain oskariz ane ol pipol wea dempla i sleib.

Rebaleisan - end blo ebriting 18:13 ပူးပေါင်းရင်းမြစ်များ

Namba 1 leta po Timoti 1:10

God i bin gibe dem lo po dem pipol uda slipraun meke sekssin. Ane po dem man uda slip wea ol nada man ane ol oman uda slip wea ol nada oman. Ane po dem pipol uda stilewei teke ol nada pipol ane sele dempla po bi sleib. Ane po dem pipol uda mata ebritaim tok ol laitok ane po dem pipol uda broke promis ane po demwan uda go gense ol dem rait tising.

Namba 2 leta prom Pita 2:3

Lo gridiwei blo dempla, dempla i go meke ol smat laiwei po gede mani prom yupla. Bat God i bin pinis zaze dempla, prapa longtaim de pas, ane taim blo laip blo dempla po pinis i ya kam.

Rebaleisan - end blo ebriting 18:14

Ane nau ol dem biznisman ya ol i spik diskain po dat oman: ‘Ol dem plasting wea yu tumas laik, yu nomo go gad nau. Ebridem ris samting lo yu ane demting wea em i luk nais lo yu, ol i pinis prom yu nau. Ebridem samting i pinis.’

Rebaleisan - end blo ebriting 18:15

Ane ol dem biznisman ya wea dempla i bin kam prapa ris prom sele ol dem kago po em, dem biznisman i bin stanap lelbet longwei bikoz ebriwan prom dempla i prait bambai ol i go gede da seimkain panis ya wiskain da siti i gedem. Ol i go bigkrai mina laudwan: