Rebaleisan - end blo ebriting 18:11 - Torres Strait Creole (Yumplatok)

¹¹ Ane ebridem biznisman lo dis ert ol i go krai ane pil prapa sore po Babilon, bikoz i gad nobodi nau uda ken baie samting prom dempla nau.

Rebaleisan - end blo ebriting 18:11 ပူးပေါင်းရင်းမြစ်များ

Matiu tokbaut Zizas 22:5

Bat dempla stil no bin wande go. Wan blo dempla i bin go ane wok lo pam blo em ane nadawan i bin go wok lo stoa blo em.

Zon tokbaut Zizas 2:16

Den Zizas i spik po demwan uda i sele ol dab, ‘Tekemaut dem samting go ausaid prom ya. Yupla mas stap meke aus blo PapaGod blo mi wase maketples.’

Namba 2 leta prom Pita 2:3

Lo gridiwei blo dempla, dempla i go meke ol smat laiwei po gede mani prom yupla. Bat God i bin pinis zaze dempla, prapa longtaim de pas, ane taim blo laip blo dempla po pinis i ya kam.

Rebaleisan - end blo ebriting 18:15

Ane ol dem biznisman ya wea dempla i bin kam prapa ris prom sele ol dem kago po em, dem biznisman i bin stanap lelbet longwei bikoz ebriwan prom dempla i prait bambai ol i go gede da seimkain panis ya wiskain da siti i gedem. Ol i go bigkrai mina laudwan:

Rebaleisan - end blo ebriting 18:20

Yupla de lo eben, yupla mas glad prom dat panis wea dat oman i gedem. Seim po yupla tu, ol dem pipol blo God, dem misnareman ane dem spesilmesizman. Yupla mas glad lo dis panis, bikoz God em bin zaze dat oman ya prom ol dem nugudting wea em i bin mekem po yupla.

Rebaleisan - end blo ebriting 18:23

Dem lamp i nogo meke lait de nomo, ane nobodi i go maret ane meke pisting insaid lo yu gen. Bat bipo, ebridem biznisman blo yu ol i bin prapa bigman lo da wold, bat nomo nau. Babilon bin trike ol dem pipol ane meke demwan go ol rongwei.

Rebaleisan - end blo ebriting 18:3

Ebridem pipol lo ebridem kantri lo dis wold bin dringk dat wain blo em wea i meke dempla po bane ai po meke olkain nugud sekssin. Ebridem king lo dis ert ol i bin meke olkain nugud sekssin wea em. Ebridem biznisman lo dis ert tu, i bin kam ris prom ebridem riswei blo em.’

Rebaleisan - end blo ebriting 18:9

Nau ebridem king lo dis wold, uda bin meke nugud sekssin lo em ane stap lo demkain izilaip lo em, wen ol go luk smok i kamaut prom dat big siti Babilon, ol i go bigkrai ane singaut mina laudwan bikoz ol i luk da siti i ban.