Rebaleisan - end blo ebriting 16:10 - Torres Strait Creole (Yumplatok)

¹⁰ Da namba paib einzel i bin kapsaid boul blo em antap lo da tron blo dat wailanimal. Ane da ples wea dat wailanimal i king, i bin kam dak. Ebridem pipol blo em bin pile nadakain obamak pein ane ol i bin graine tit ane baite tang blo dempla.

Rebaleisan - end blo ebriting 16:10 ပူးပေါင်းရင်းမြစ်များ

Matiu tokbaut Zizas 13:42

Ane dem einzel i go sake dempla insaid lo bigpaia ane bane dempla. Dempla go sake bigkrai ane graine tit blo dempla prom pein blo dat paia.

Matiu tokbaut Zizas 13:50

ane ol i go sake dem nugudpipol insaid lo paia blo el. Dem pipol i go mata krai ane graine tit prom pein blo da paia.’

Matiu tokbaut Zizas 22:13

Den da king i bin spik po dem sebant blo em po taite an ane leg blo da man ane sakem go ausaid lo dak, ane den da man i go pil sore po emselp. Em go krai ane graine tit blo em.’

Matiu tokbaut Zizas 24:51

Dat bos i go prapa panse dat wokman ane em go sanem go wea ol dem tupes pipol i stap. Wea dat ples, dempla i go pile nadakain nugud pein ane go krai ane graine tit blo dempla lo pein.’

Matiu tokbaut Zizas 8:12

Bat plenti dem pipol blo God, dem pipol blo Izrael uda prapa no lisen ane mekem wanem God i bin spik dempla po mekem, God i go sake dempla go ausaid po dat nadakain dakples wea dempla i go mata krai ane graine tit blo dempla.’

Luk tokbaut Zizas 13:28

‘Yupla go nadakain bigkrai ane graine tit prom sore wen yupla go luk Eibram, Aizak, ane Zekop ane ol dem longtaim spesilmesizman blo God, de insaid wea dat niuples blo God ane yupla nogo lau wea dat ples wea God i ruloba ebribodi. God go sate doa wea pes blo yupla.

Namba 1 leta prom Pita 2:17

Yupla i mas soe rispekt po ebribodi. Lab yupla amenbala ane amensisi ane labe ol amenpamle tu. Yupla mas prait prom God ane mas soe rispekt po da king.

Rebaleisan - end blo ebriting 11:10

Ebridem pipol blo da wold gobi prapa glad. Dempla i go meke ol pisting ane seremaut ol present wea wananada bikoz demtu spesilmesinza blo God i ded. Dem nugudpipol i glad bikoz demtu mesinza bin trite dempla prapa adwei.

Rebaleisan - end blo ebriting 11:2

Bat yu no meza da ausaid yad blo da Tempol, bikoz yad de ausaid i bin pinis gibem po dempla uda no pole God. Ane nau dempla i go ruloba Zarusalem nugudwei po 42 mant.

Rebaleisan - end blo ebriting 11:8

Ane bodi blo demtu ya i go leidaun lo da mein rod insaid lo siti blo Zarusalem. Diswan da seim siti wea ol i bin neile BosLod blo demtu lo kros po ded. Ol i kole da siti ‘Sodom’ ane ‘Izipt’.

Rebaleisan - end blo ebriting 17:17

God i bin pute samting lo main blo dem ten king po mekem wanem em i wande dempla po mekem, ane ol i go gri po gibe da rait blo dempla po kare lo po dis wailanimal ya, po rul antil ol dis tok blo God i go kam tru.

Rebaleisan - end blo ebriting 17:9

Da einzel i bin spik po mi, ‘Orait, nau ai go spik yu da sikret. Dem seben ed blo da wailanimal, em i dem seben big il wea dat oman i sidaun. Dem seim ed i wase nada seben king.

Rebaleisan - end blo ebriting 18:2

Em i bin singaut wea mina laud bois: ‘Pinis, pinis! Dat prapa big siti Babilon i pinis! Em i go kam aus blo ol debol, ane aus blo olkain nugudspirit, ane ples blo ebridem prapa nadakain nugudpizin i go stap de tu.

Rebaleisan - end blo ebriting 18:21

Nau wan strongeinzel em bin teke wan prapa big ston, ane em i sakem daun lo da solwata, ane em i singaut diskain: ‘Babilon, yu big eleba siti. Wa! Seimkain wase dat ston, dempla go sake yu godaun tu, ane dempla nogo luk yu gen.

Rebaleisan - end blo ebriting 18:23

Dem lamp i nogo meke lait de nomo, ane nobodi i go maret ane meke pisting insaid lo yu gen. Bat bipo, ebridem biznisman blo yu ol i bin prapa bigman lo da wold, bat nomo nau. Babilon bin trike ol dem pipol ane meke demwan go ol rongwei.

Rebaleisan - end blo ebriting 8:12

Nau namba po einzel em bin bloue trampat blo em. Ane wan terd blo san ane wan terd blo mun ane wan terd blo dem sta i bin kam dak. Wan terd lo dei no bin gad lait, ane wan terd lo nait i bin diskain tu.

Rebaleisan - end blo ebriting 9:2

Wen em bin opene da maut blo dat big dip oll, tumas big smok i bin kamaut prom em, wase smok blo nadakain bigpaia. Ane dis smok ya i bin kabare da lait blo da san ane em meke da skai kam prapa dak.