Rebaleisan - end blo ebriting 14:14 - Torres Strait Creole (Yumplatok)

¹⁴ Apta, ai bin luk i bin gad wan wait klaud, ane ai bin luk da Truwan blo Man wea i sidaun antap lo da klaud. Em i gad gold kraun antap lo ed blo em ane prapa sap uknaip lo an blo em.

Rebaleisan - end blo ebriting 14:14 ပူးပေါင်းရင်းမြစ်များ

Matiu tokbaut Zizas 13:30

So lete demtu gro tugeda. Wen da taim i go kam bambai po pike dem sidkaikai, ai go spik po dem wokman po sotemaut dem sidkaikai prom dem putigras ane store dem sidkaikai insaid lo storum, ane bane dem putigras.” ’

Matiu tokbaut Zizas 17:5

Midel lo da tok blo Pita wan nadakain sainibrait klaud i bin kam antap lo dempla ane bois prom da klaud i bin spik diskain, ‘Diswan mai Boi ane ai prapa labe em. Ai prapa api wea laip blo em. Yupla mas lisen po em.’

Mak tokbaut Zizas 4:29

Apta, wen dem sid i raip, da pama i kam ane kate dem sid wea uknaip.’

Luk tokbaut Zizas 21:27

Wea da seimtaim, ol go luk mi, da Truwan blo Man go kam wea klaud wea paua ane sainilait, dat Truglori blo mi.

Leta po Ibrupipol 2:9

Bat wanem Baibol i bin tokbaut de i bin Zizas, uda i bin kam andanit lo ol einzel po sottaim. Bat nau Zizas i gad da spesilblesing, dat braitlait ane ona, bikoz em i bin go tru pein ane em bin ded po yumpla. Wa, i prom dat spesilpeiba blo God, Zizas i bin go tru ded po ebribodi ya lo dis wold.

Rebaleisan - end blo ebriting 1:13

Ane stanap melen lo dem lamp, ai bin luk wan man wea em wase i da Truwan blo Man. Em bin were long kaliko wea i kese graun ane em i gad gold strap raun lo sest blo em.

Rebaleisan - end blo ebriting 1:7

Yumpla sabe! Zizas em go kambaik antap lo klaud. Ane ebribodi go luk em wea dempla oun ai, diswan tu po demwan uda bin spere em. Nau ebri pipol lo ebri ples lo da wold, wen ol go luk em, ol go prapa sore ane ol go krai bigwan. Wa. Diswan go apen. Amen.

Rebaleisan - end blo ebriting 10:1

Nau ai bin luk nada strongeinzel i kamdaun prom eben. Em bin were wait klos wase klaud, ane em i gad wan reinbou raun lo ed blo em. Ane pes blo em i bin sain wase san, ane tu leg blo em i wase tu post wea i ban wase paia.

Rebaleisan - end blo ebriting 11:17

Ane dempla i bin spik diskain: ‘Mipla eso yu, LodGod, da Strong AntapGod, da wan uda mata ya, ane da wan uda i bin mata de pas. Prom diskaintaim nau yu bin stat po yuze da bigpaua blo yu, ane yu bin stat po rul wase king.

Rebaleisan - end blo ebriting 19:12

Ai blo em, em i lait wase paia, ane lo ed blo em, em i were plenti kraun. Wan neim i stap lo bodi blo em, bat mata emselp i sabe da mining blo dat neim.

Rebaleisan - end blo ebriting 20:11

Nau distaim, ai bin luk wan big tron wea em i braitwait, ane ai bin luk wan man i sidaun lo dat tron. Ane da ert ane da skai i bin ranwei prom em, nogad no ples po demtu po aid.

Rebaleisan - end blo ebriting 6:2

Ai bin luk go antap ane ai bin luk wan wait os i bin kamaut, i gad man i sidaun antap lo em. Ane da man em kare bounaro. Sambodi i bin gibe em wan kraun i bin putem lo ed blo em. Em bin raid go lo dat os, go po pait plenti pait ane em go win dem plenti pait gense dem nugudting.