Rebaleisan - end blo ebriting 13:7 - Torres Strait Creole (Yumplatok)

⁷ Da wailanimal i bin gede da rait po kare lo po pait gense ebridem pipol blo God ane kese ebridem pipol po pose dempla po kam andanit lo emselp. Em i gad rait po ruloba ebridem pamlelain, ebridem pipol, ane ol langus ane ebridem kantri.

Rebaleisan - end blo ebriting 13:7 ပူးပေါင်းရင်းမြစ်များ

Luk tokbaut Zizas 4:6

Satana bin kip spik po em diskain, ‘Yu luk, ebriting i blo mi. Ip yu baudaun, pesdaun prant wea mi ane wosip mi, den ai go gibe yu da rait po kare lo blo dis wold ane dat bigneim blo mi.’

Zon tokbaut Zizas 19:11

Zizas i bin ansa em, ‘Ip God i no bin gibe da paua po yu po bos antap wea mi, den yu nogad dis paua. So ai spik, da wan uda i bin teke mi kam po yu, wa em i bin prapa meke monugud samting gense God.’

Rebaleisan - end blo ebriting 10:11

Den dat einzel bin spik mi diskain, ‘Yu mas spik gen baut da mesiz blo mi lo ebri pipol, lo ebri kantri, lo ebri langus ane lo ebri king tu.’

Rebaleisan - end blo ebriting 11:18

Ebridem kantri i bin gad nadakain wail gense yu, bat distaim nau wail blo yu i bin kam. I taim nau po zaze dem pipol uda i ded, ane i taim nau po gibe riwod po ol dem sebant blo yu, ane riwod dem spesilmesizman ane ol dem pipol blo yu. Yu go riwod demwan uda prapa rispekt yu, nomata ol i gad paua o ol i nogad no paua. Ane yu go damiz ol dem pipol uda i bin damiz da ert.’

Rebaleisan - end blo ebriting 11:7

Wen demtu bin pinis ebridem tok blo God, den wan big wailanimal i go kamaut prom dat big dip oll wea em i nogad no batam. Ane em go pait demtu ane apta wen em go bite demtu em i go kile demtu.

Rebaleisan - end blo ebriting 12:17

Nau da dragan em i bin prapa nadakain wail po dat oman, so em i go ane pait gense ol dem nada pikinini blo dat oman. Demwan dem seim pikinini ya uda bin lisen ane obei dem lo blo God ane uda spik dempla blo Zizas.

Rebaleisan - end blo ebriting 17:15

Ane da einzel ya em i spik mi diskain, ‘Dis nugudoman em i oman uda slip wea olkain man po mani. Em i bos de wea dem plenti riba. Dem riba i wase plenti pipol blo ebridem kantri ane ebri langus.

Rebaleisan - end blo ebriting 5:9

Ane dempla ebribodi i bin sing wan niu sing diskain po dat Smolsip: ‘Yu da rait man po go ane teke da skrol ane broke dem lok ane openem. Bikoz ol i bin kile yu, yu bin ded, ane blad blo yu i bin sakripais po ebridem pipol blo God. Ol i kam prom ebri pamlelain, ebri langus, ebri pipol ane ebri kantri lo da wold.