Rebaleisan - end blo ebriting 13:6 - Torres Strait Creole (Yumplatok)

⁶ Da wailanimal em i ebritaim tok olkain po daune dem neim blo God. Em i swea God ane ol demwan uda i stap de lo eben.

Rebaleisan - end blo ebriting 13:6 ပူးပေါင်းရင်းမြစ်များ

Matiu tokbaut Zizas 12:34

Yupla prapa wase sneik! Yupla prapa kan tokbaut eni gudsamting, bat mata ol nugud samting, dem seim nugud samting wea i bin ebritaim stap insaid lo at blo yupla.

Matiu tokbaut Zizas 15:19

Ane i meke main blo dempla po tingbaut olkain nugudting wase kile man, maretman no kiptru po oman blo em, o maret oman no kiptru po man blo em, meke olkain sekssin, stil, lai ane tok olkain nugudtok gense ol nada pipol.

Zon tokbaut Zizas 1:14

Wa, da Mesiz i bin kam man ane stap ya midel wea yumpla lo wold. Ane mipla i bin luk lo ai wiswei da truglori, da sainilait blo da boi blo God. Ane da spesilpeiba ane da truwei blo dat mata wan boi blo PapaGod i bin wantaim stap wea yumpla.

Leta po Sos blo Rom 3:13

‘Tok blo demkain pipol i wase nugud smel i kamaut prom greib wea i no bin kabarem. Dempla spik ol prapa swittok po swite ol pipol bat dempla ebritaim spik ol laitok.’ ‘Tok blo dempla i nadakain dedli wase poizin blo prapa dedli sneik, nap po kile pipol kuikwan.’

Leta po Sos blo Kolosi 1:19

Ane PapaGod i glad bikoz laip blo Kraist i dat seimkain laip blo God tu.

Leta po Sos blo Kolosi 2:9

Bikoz ebriting blo God i stap wea Kraist ane ebriting blo Kraist i stap wea God.

Leta po Ibrupipol 9:2

Dat Olitent blo God i bin setem diskain: i gad tu rum, da pas rum i bin gad lamp, teibol, ane ol olibred antap wea dat teibol. Ane dat rum i bin kolem da Oliples.

Leta po Ibrupipol 9:24

Daswai Kraist wen em bin kam da Bosprist, em no bin go insaid lo eni oliples ya wea ert. Datwan i kasa piksa blo da Prapa Oliples de antap lo eben. Bat em bin go antap ane em de nau lo dat Prapa Oliples prant wea God, tok po God po yumpla.

Rebaleisan - end blo ebriting 11:12

Den demtu spesilmesinza blo God bin lisen bois prom eben i bin ala mina laudwan diskain, ‘Yutu kam antap ya!’ Ane enami blo demtu i bin luk demtu go antap po eben insaid lo wan klaud.

Rebaleisan - end blo ebriting 12:12

So nau, eben ane ebribodi uda i stap wea eben mas bi nadakain glad. Bat yupla ebribodi uda stap lo ert ane lo solwata, yupla mas lugaut bikoz Satana i bin kamdaun po yupla. Em i nadakain wail bikoz em i sabe em gad sottaim lept.’

Rebaleisan - end blo ebriting 15:5

Apta demting, ai bin luk da Tempol blo God de lo eben i bin open ane ai bin luk rait insaid po dat Olitent blo da strong griment blo God.

Rebaleisan - end blo ebriting 18:20

Yupla de lo eben, yupla mas glad prom dat panis wea dat oman i gedem. Seim po yupla tu, ol dem pipol blo God, dem misnareman ane dem spesilmesizman. Yupla mas glad lo dis panis, bikoz God em bin zaze dat oman ya prom ol dem nugudting wea em i bin mekem po yupla.

Rebaleisan - end blo ebriting 21:3

Nau ai bin lisen bois i singaut kam prom dat tron, ane em bin singaut laudwan diskain, ‘Luk, God em i stap wea ebridem pipol blo em nau. Em i go stap lo dempla ane dempla nau i gobi pipol blo em. God emselp, em i go stap wea dempla ane em nau gobi God blo dempla.

Rebaleisan - end blo ebriting 4:1

Apta ai bin luk ol demting ya nau, ai bin luk wan doa lo eben i bin open. Ane ai bin lisen dat seim bois wea i bin tok po mi de pas. Nau dis bois bin saun wase big trampat, ane em i bin spik mi diskain, ‘Yu kam antap lo dis ples ya, ane ai go soe yu ebriting wanem i go apen apta diswan.’

Rebaleisan - end blo ebriting 4:4

Ane raun lo da tron, ai bin luk tuenti po nada tron. Nau wea dem tron ai bin luk tuenti po elda i sidaun wea dem tron. Ol i bin were wait kaliko ane dempla ebribodi i bin were kraun wea i mekem prom gold.

Rebaleisan - end blo ebriting 5:13

Nau ai bin lisen ebri tok blo ebridem samting wea God i bin mekem. Ebridem samting wea i stap insaid lo eben ane lo da wold ane lo el ane lo solwata, ane ebribodi i bin goed po sing diskain: ‘Dem blesing ane ona ane truglori ane paua, demting i blo demtu, i mas gobaigen po da wan uda i sidaun de lo da tron ane po da Smolsip. Dem blesing ane ona ane truglori ane paua i go mata kipgo, no sabe pinis.’

Rebaleisan - end blo ebriting 7:15

“Daswai dempla i gad rait po stanap prant lo da tron blo God. Ane ebridei ane ebrinait ol i wosip em insaid lo Tempol blo em. Ane da wan uda i sidaun lo da tron go stap melen lo dempla ane go lugaut dempla.

Rebaleisan - end blo ebriting 7:9

Apta demting, ai bin luk nadakain plenti pipol, i tu tumas ai kan kauntem. Dem pipol ol i kam prom ebri dipren kantri ane prom ebri pamlelain ane prom ebri pipol ane prom ebri langus lo da wold. Ebribodi i bin were wait kaliko ane kare lip blo pamtri lo an blo dempla, ane dempla i bin stanap prant lo da tron ane da Smolsip.