Rebaleisan - end blo ebriting 12:10 - Torres Strait Creole (Yumplatok)

¹⁰ Den ai bin lisen prapa laud bois prom eben i spik diskain: ‘Lo distaim ya nau, i soem God i seibe yumpla, ane em i gad ebridem paua ane i da taim po em po ruloba ebriwan, i bin kam nau, ane da Promiswan blo em i kare da lo blo em antap. Da wan uda ebritaim tok gense ebridem amenpamle blo yumpla prant lo God, ol i bin sakwei em godaun po ert. Em da seimwan uda ebritaim tok nugudwei baut dem amenpamle prant wea God, nomata i deitaim o naittaim

Rebaleisan - end blo ebriting 12:10 ပူးပေါင်းရင်းမြစ်များ

Matiu tokbaut Zizas 26:64

Zizas i bin ansa dempla diskain, ‘Das wanem yu yuselp bin spik! Bambai yupla i go luk, mi da Truwan blo Man i go sidaun wea dat ples blo ona, wea raitansaid blo God ane yupla go luk mi kambaigen daun prom God antap wea ol klaud blo eben.’

Matiu tokbaut Zizas 28:18

Den Zizas i bin kam ane spik po dempla, ‘PapaGod blo mi i bin gibe mi da rait po kare ebri lo blo eben ane ert.

Matiu tokbaut Zizas 6:10

Mipla prea da taim go kam kuikwan wen yu go ruloba ebribodi. Mipla prea ebridem ubi blo yu go kamaut ya lo ert, seimkain wase i kamaut de antap lo eben.

Luk tokbaut Zizas 11:2

So Zizas bin spik po dempla baigen, ‘Orait. Wen yupla prea yupla mas spik diskain: PapaGod, mipla prea ol pipol go ona ane kare neim blo yu antap. Mipla prea da taim go kam kuikwan wen yu go ruloba ebribodi.

Luk tokbaut Zizas 22:31

Apta nau, Zizas bin spik po Saiman. Nada neim blo em Pita. Em spik, ‘Saiman, Saiman, yu lisen po mi nau. God go lau Satana po teste yupla wase man i streine da sabi prom da nobi.

Namba 1 leta po Sos blo Korint 5:4

wea neim blo da BosLod Zizas. Yupla mas kam tugeda meke miting, ane spirit blo mi i gobi de midel wea yupla ane da paua blo da BosLod Zizas i gobi de wea yupla wen yupla go kam tugeda.

Namba 2 leta po Sos blo Korint 12:9

Bat da BosLod i ansa mi diskain, ‘Ai gibe yu prapa spesilpeiba blo mi, i ebriting wanem yu nidem. Bikoz paua blo mi i prapa kamap wen yu daun.’ So ai mata bloubaut dat nugudting, solong da paua wea Kraist i gibe mi, i go mata stap wea mi.

Leta po Taitas 2:3

Wiskain yu bin tise dem man, wa, tise dem ouloman wea seimkainwei. Lane dem oman po stap lo datwei wase sambodi i meke wok blo BosLod. Dempla mas no goraun tok nugudtok baut ol nada pipol, ane mas no dringk po drongk enitaim. Bat dempla mas lane ol nada pipol wanem i gud.

Namba 1 leta prom Pita 5:8

Lugaut nau! Yupla mas mata stap weikwan. Satana uda i enami blo yupla, em i wagbaut wase wan wail laian uda i lukraun po enibodi po kaikai.

Rebaleisan - end blo ebriting 11:15

Den da namba seben einzel bin bloue trampat blo em. Ane ai bin lisen ol prapa laud bois ala de antap lo eben diskain: ‘Ebriting lo da wold i prapa kam andanit wea paua blo da LodGod blo yumpla ane da Promiswan blo em, Kraist. Ane em i go rul antap ebriting ya, i go mata go go, no sabe pinis.’

Rebaleisan - end blo ebriting 2:26

Po dem pipol uda i mata kip bilib, ane mata goed po meke wok blo mi ane no stap, Ai go gibe dempla rait po kare lo oba ebridem kantri.

Rebaleisan - end blo ebriting 7:10

Nau dempla ebribodi i bin singaut mina laudwan diskain: ‘God blo yumpla uda i sidaun lo da tron ane da Smolsip, demtu seibe yumpla nau!’