Rebaleisan - end blo ebriting 11:8 - Torres Strait Creole (Yumplatok)

⁸ Ane bodi blo demtu ya i go leidaun lo da mein rod insaid lo siti blo Zarusalem. Diswan da seim siti wea ol i bin neile BosLod blo demtu lo kros po ded. Ol i kole da siti ‘Sodom’ ane ‘Izipt’.

Rebaleisan - end blo ebriting 11:8 ပူးပေါင်းရင်းမြစ်များ

Zenasis - Stat blo ebriting 13:13

Wa, dem pipol blo Sodom i ebritaim meke ol prapa nugud samting ane ol prapa badting gense da AntapGod.

Zenasis - Stat blo ebriting 19:24

Den da AntapGod i bin stat meke ol ot ston wea i gad paia i ban, poldaun wase rein. Ol ot ston i poldaun antap lo demtu taun blo Sodom ane Gomora.

Matiu tokbaut Zizas 10:15

Ai spik trutok po yupla, wen dat dei i go kam wen God i go zaze ol pipol, dem pipol blo dat taun wea i no bin welkam yupla ane no wande lisen po yupla, dempla i go gede mobig panisment den dem pipol blo dat tu siti blo Sodom ane Gomora.

Pas misnare wok 9:4

Em bin poldaun wea graun ane em bin lisen bois i spik, aske em, ‘Saulu, Saulu, watpo yu meke ol prapa nugudting gense mi?’

Leta po Ibrupipol 13:12

Zizas tu i bin pile pein ane em bin ded ausaid lo da siti. Em i bin ded solong blad blo em i go meke ol pipol blo em klin, nogad no sin.

Leta po Ibrupipol 6:6

Bat dempla ane dem pipol uda pole wei blo dempla nau, i stil go nadawei prom Kraist. Yumpla kan teke dempla kambaik po dat laip wea dempla i bin gad de pas. Bikoz wen dempla i kip mekem diskain, i wase dempla kip neile Zizas po da kros gen ane moke em ane meke em sem prant wea ebribodi.

Namba 2 leta prom Pita 2:6

Apta, God i bin meke demtu siti blo Sodom ane Gomora po asis ane em bin waipe demtu prom da wold. Em bin meke demtu diskain po soem diskainting i go apen po dem nugudpipol.

Leta prom Zud 1:7

No piged dem siti blo Sodom ane Gomora ane dem taun klostu wea dempla. Dempla i bin meke seimkain nugudting wase dem einzel po no pole God. Dempla i bin tanewei prom God meke olkain prapa nugud sekssin. Dat tu siti i bin ban, damiz prom paia. Nau i woning po ebribodi baut paia wea i go ban poeba. Dempla i go gede da seim panis po meke nugudting.

Rebaleisan - end blo ebriting 11:13

Ane lo dat seimtaim i bin gad big ertseik i bin distroi wanten blo da siti. Ane 7,000 pipol i bin ded prom dat big ertseik. Ane ol dem nada pipol i bin nadakain prait, bat ebridem pipol i bin mata preize neim blo God lo eben.

Rebaleisan - end blo ebriting 11:9

Nau po tri ane ap dei, ebri pipol blo da wold, ebri dipren pamlelain, ebri langus ane ebri kantri go kam po luk bodi blo demtu ane nobodi i lau po bere demtu.

Rebaleisan - end blo ebriting 14:20

Ane ol bin stanap smase dem greip de ausaid said blo da siti. Wen ol i bin smase dem greip, ol blad bin ran kam ausaid wase riba ane i bin ran po 300 kilamita ane dip blo da riba blo blad i bin klosap kese tu mita.

Rebaleisan - end blo ebriting 14:8

Nau ai bin luk namba tu einzel, i bin kam biain lo da pas einzel. Em i bin ala diskain, ‘Dat big siti blo Babilon wea em i gad bigpaua, em i poldaun smas, ebriting pinis. Dat big siti bin gibe ebri pipol lo ebridem kantri lo dis wold da prapa strongpiling po meke olkain nugud sekssin, i seimkain wase da strongpiling po dringk strong wain. Ane da wei blo dempla i meke God nadakain wail.’

Rebaleisan - end blo ebriting 16:19

Nau dis big siti blo Babilon i bin split tri pat wen i bin gad dat ertseik. Ane ebridem nada siti lo dem nada kantri i bin poldaun smas lo graun. Nau God i no bin pigedbaut dat siti blo Babilon ane ol dem nugudwei wea dem pipol de i bin mekem. Em i bin meke dem pipol blo dat siti po dringk kap wea i gad dat obamak wail blo God.

Rebaleisan - end blo ebriting 17:1

Apta nau, wan einzel prom dem seben einzel uda i bin kare dem seben boul wea dempla, i bin kam lo mi ane spik po mi diskain, ‘Yu kam lo mi, ane ai go soe yu wiskain God i go panis dis nugudoman uda sele emselp po mani, em i sidaun bos blo plenti riba.’

Rebaleisan - end blo ebriting 17:18

Dis oman wea yu luk ya wea bizin blo yu, em i nau dat big siti uda i ruloba dem king blo dis wold.’

Rebaleisan - end blo ebriting 17:5

Ane i gad neim i gad sikret mining i bin raitem lo pored blo em. Dat neim i diskain: ‘Da big siti Babilon, em i wase mama blo ol pipol uda slip wea nada pipol po mani ane em blo olkain nugud samting wea em i mina nadakain nugud.’

Rebaleisan - end blo ebriting 18:10

Dem king go stanap lelbet longwei bikoz ebriwan dempla i prait bambai ol i go gede da seimkain panis ya wiskain dat siti i gedem. Ane ol i go singaut: ‘Yagar! Yu Babilon, yu lugaut! Yu big eleba siti. Yu prapa strong, bat nadakain kuikwan panis blo yu i go kese yu.’

Rebaleisan - end blo ebriting 18:18

Ane wen dempla ebribodi luk smok blo paia wea i bane da siti, dempla i go singaut diskain, ‘Ei! Yagar! I nogad no nada big taun wase dis big siti ya!’

Rebaleisan - end blo ebriting 18:2

Em i bin singaut wea mina laud bois: ‘Pinis, pinis! Dat prapa big siti Babilon i pinis! Em i go kam aus blo ol debol, ane aus blo olkain nugudspirit, ane ples blo ebridem prapa nadakain nugudpizin i go stap de tu.

Rebaleisan - end blo ebriting 18:21

Nau wan strongeinzel em bin teke wan prapa big ston, ane em i sakem daun lo da solwata, ane em i singaut diskain: ‘Babilon, yu big eleba siti. Wa! Seimkain wase dat ston, dempla go sake yu godaun tu, ane dempla nogo luk yu gen.

Rebaleisan - end blo ebriting 18:24

God i bin panse dat siti blo Babilon bikoz prom dem blad wea i bin ran lo dem strit de, da blad blo ol dem spesilmesizman ane ol dem oli pipol blo God ane blad blo ol pipol wea ol nada pipol i bin kile dempla tu ya lo ert.’