Rebaleisan - end blo ebriting 11:15 - Torres Strait Creole (Yumplatok)

¹⁵ Den da namba seben einzel bin bloue trampat blo em. Ane ai bin lisen ol prapa laud bois ala de antap lo eben diskain: ‘Ebriting lo da wold i prapa kam andanit wea paua blo da LodGod blo yumpla ane da Promiswan blo em, Kraist. Ane em i go rul antap ebriting ya, i go mata go go, no sabe pinis.’

Rebaleisan - end blo ebriting 11:15 ပူးပေါင်းရင်းမြစ်များ

Matiu tokbaut Zizas 24:31

Ane wen dat trampat i go blou nadakain adwan, ol einzel i go go prom nada end, tu nada end blo eben ane ert, ane go teke dem pipol wea God i bin suzem kam tugeda.’

Matiu tokbaut Zizas 6:13

Pliz elpe mipla so mipla nogo gibap ane meke ol nugudting, bat elpe mipla prom no pole dat nugudwan. Da ples wea yu ruloba ebribodi, da prapa bigpaua blo yu, ane prapa big preiz, i mata blo yu poeba. Amen.

Luk tokbaut Zizas 1:33

Em gobi king oba Izrael, poeba. Em gobi king wea i nogad end.’

Luk tokbaut Zizas 15:10

Ai spik yupla nau. Da seimwei ol dem einzel blo God gobi moglad bikoz wan nugudman i bin sluraun ane seinze laip blo em.’

Luk tokbaut Zizas 15:6

Wen em go kese aus blo em, em go singaut ol pren ane neiba blo em po kam klostu. Den em go spik po dempla, “Yumpla go meke pisting bikoz ai bin pinis paine da sip wea ai bin lusem.”

Pas misnare wok 4:26

Ol dem king blo da ert, ane ol dem edman ane rula bin zoin tugeda gense AntapGod ane gense da Promiswan, da wan wea God i sanem.”

Leta po Ibrupipol 1:8

Bat po da Boi blo em, God i spik diskain: ‘Yu God, ane yu gobi king poeba ane eba, ane yu gobi bos blo ebribodi, ane go zaze ebribodi lo da raitwei.

Rebaleisan - end blo ebriting 10:7

Dat einzel i bin kip spik diskain, ‘Wen da namba seben einzel go bloue trampat blo em, dis sikret plan blo God wanem em i bin planem, i go apen. Diswan i seimkain wanem God i bin tok po dem bipotaim wokman blo em, dem spesilmesizman blo em.’

Rebaleisan - end blo ebriting 12:10

Den ai bin lisen prapa laud bois prom eben i spik diskain: ‘Lo distaim ya nau, i soem God i seibe yumpla, ane em i gad ebridem paua ane i da taim po em po ruloba ebriwan, i bin kam nau, ane da Promiswan blo em i kare da lo blo em antap. Da wan uda ebritaim tok gense ebridem amenpamle blo yumpla prant lo God, ol i bin sakwei em godaun po ert. Em da seimwan uda ebritaim tok nugudwei baut dem amenpamle prant wea God, nomata i deitaim o naittaim

Rebaleisan - end blo ebriting 15:4

AntapGod, mata yuselp yu oli. Ebribodi prapa rispekt yu ane liptemap neim blo yu. Ebri kantri lo dis wold i go kam ane wosip prant lo yu, bikoz ebribodi i bin luk dem rait ane stretwei blo yu.’

Rebaleisan - end blo ebriting 16:17

Nau da namba seben einzel i bin kapsaid boul blo em antap lo skai, ane bois i bin kamaut mina laudwan prom da tron blo da Tempol. Dat bois i spik, ‘I pinis nau!’

Rebaleisan - end blo ebriting 17:14

Dem ten king ane da wailanimal i go pait lo da Smolsip. Bat da Smolsip i go tere dempla ebribodi, bikoz em i BosLod blo ebridem bos, ane em i King blo ebridem king. Ane demwan uda da Smolsip i bin singaut po dempla ane suze dempla, demwan uda kip stanap strong po em, dempla gobi de wea em tu.’

Rebaleisan - end blo ebriting 19:1

Nau apta ol demting ya, ai bin lisen prapa big noiz blo prapa plenti pipol. Prapa tumas olgeda i singaut de lo eben diskain: ‘Yumpla preize da AntapGod! God blo yumpla i seibe yumpla. Liptemap neim blo da God uda gad nadakain bigpaua.

Rebaleisan - end blo ebriting 19:6

Nau ai bin lisen nada noiz gen wase prapa plenti tumas pipol ol i singaut mina laudwan. I wase noiz blo dem bigweib o noiz blo nadakain big tanda. Ol i singaut mina laudwan diskain: ‘Yumpla preize da AntapGod! God blo yumpla, da Strong AntapGod uda i King.

Rebaleisan - end blo ebriting 20:4

Den ai bin luk gen, ai luk mo tron, ane dem pipol uda i sidaun lo dem tron ol i kare lo po zaz. Ai bin luk ol spirit blo ebridem pipol wea ol i bin katemaut ed blo dempla bipo, bikoz dempla i bin pris da trutok baut Zizas, ane dempla i bin spikaut dem wod blo God tu. Ane ai bin luk dem spirit blo dempla uda no bin wosip dat wailanimal ane kabing blo em. Dempla no bin gede da mak blo da wailanimal lo pored o lo an blo dempla. Dempla bin kambaik laip ane God bin meke dempla gad paua po rul tu wea Kraist po 1,000 iya.

Rebaleisan - end blo ebriting 8:12

Nau namba po einzel em bin bloue trampat blo em. Ane wan terd blo san ane wan terd blo mun ane wan terd blo dem sta i bin kam dak. Wan terd lo dei no bin gad lait, ane wan terd lo nait i bin diskain tu.

Rebaleisan - end blo ebriting 9:1

Nau da namba paib einzel i bin bloue trampat blo em. Ane ai bin luk wan sta wea em bin poldaun prom eben kamdaun po ert. Sambodi i bin gibe da sta wan ki po opene da maut blo da big dip oll ya wea em i nogad no batam.

Rebaleisan - end blo ebriting 9:13

Nau da namba siks einzel i bin bloue trampat blo em. Ane ai lisen bois i kamaut prom dem on lo dem po kona blo olta. Dis olta i bin mekem prom gold ane em i stanap prant lo God.