Pas misnare wok 1:4 - Torres Strait Creole (Yumplatok)

⁴ Wantaim wen Zizas bin kaikai wea dem misnareman, em bin spik po dempla no po libe Zarusalem. Em bin spik diskain, ‘Yupla mas weit po wanem PapaGod blo mi wea eben bin promis yupla, wiskain ai bin tokbaut po yupla de pas.

Pas misnare wok 1:4 ပူးပေါင်းရင်းမြစ်များ

Matiu tokbaut Zizas 10:20

Ane i no gobi yupla uda go tok, bat da Spirit blo God i go tok tru yupla.

Luk tokbaut Zizas 11:13

Nomata ip yupla nugud, yupla sabe wiskain po gibe ol gudting po pikinini blo yupla. Bat PapaGod blo yupla wea eben, em ebritaim redi po gibe yupla plenti gudting. So God i go gibe da OliSpirit po enibodi uda aske em.’

Luk tokbaut Zizas 12:12

Dat seimtaim nau da OliSpirit i go spik po yupla wanem yupla go spik po dempla.’

Luk tokbaut Zizas 24:49

‘Orait. Bipo yupla go, yupla mas stap ya wea Zarusalem ane weit ya. Ai go sane da OliSpirit wanem PapaGod blo mi wea eben bin promis yupla. Da OliSpirit go gibe yupla paua prom eben kamdaun.’

Zon tokbaut Zizas 14:16

Ai go prea aske PapaGod po gibe yupla sambodi uda i go prapa elpe yupla ane go mata stap wea yupla.

Zon tokbaut Zizas 15:26

‘Bat ai go sane da wan uda i go elpe yupla, da OliSpirit uda blo mata spik ol trutok. Em kam prom PapaGod po yupla ane em go prapa stanap spik ol trutok baut mi.

Zon tokbaut Zizas 20:22

Den Zizas i bin bloue win prom maut blo em antap dempla ane spik, ‘Teke da OliSpirit.

Zon tokbaut Zizas 7:39

Wen Zizas i bin tok demkain, em bin min baut da OliSpirit blo God. Ane dem pipol uda i go mata bilib wea Zizas, da OliSpirit i go stap wea laip blo dempla. Bat God i no bin gibe da OliSpirit po stap wea laip blo ol pipol yet bikoz Zizas i no bin ded ane gede laip baigen, ane God i no bin teke Zizas gobaigen po da truglori laip blo em.

Pas misnare wok 10:41

No ebribodi bin luk em, bat mipla bin luk em bikoz God i bin suze mipla po bi aiwitnis blo em. Ane mipla bin kaikai ane dringk wea em tu apta em bin gedap laipgen prom ded.

Pas misnare wok 2:33

Nau Zizas em de wea da ples blo ona wea raitansaid blo God. PapaGod bin gibe em da OliSpirit wea em i bin promis em. So nau Zizas bin sane da OliSpirit po yumpla. Disting i apen ya nau tidei wiskain yumpla luk ane lisen.