Mak tokbaut Zizas 7:6 - Torres Strait Creole (Yumplatok)

⁶ Zizas i ansa dempla, ‘Aizaia da spesilmesizman i bin rait wen em bin spik de pas baut yupla ol tupes pipol. Insaid lo Baibol i bin raitem diskain: “Dem pipol spik dempla rispekt mi, bat insaid at blo dempla, dempla no rispekt mi.

Mak tokbaut Zizas 7:6 ပူးပေါင်းရင်းမြစ်များ

Zon tokbaut Zizas 15:24

Ip ai no bin meke dem mirikalsain midel wea dempla wea nobodi i bin mekem bipo, den dempla no bin stap andanit da paua blo sin, nogad rongting. Bat dempla i bin luk dem mirikal ane dempla i stil prapa eite mi ane PapaGod blo mi.

Zon tokbaut Zizas 5:42

Bat ai prapa sabe yupla prapa nogad at blo God wea laip blo yupla.

Pas misnare wok 28:25

Dempla no bin gri wea wananada ane so dempla bin stat po go nau. Bat bipo dempla bin go, Pol i bin gad wan lasting po yan dempla. Em bin yan diskain, ‘Da OliSpirit bin rait wen em bin spik po dem longtaim pamlelain blo yumpla, tru dat bipotaim spesilmesizman blo God, Aizaia. Em spik:

Namba 2 leta po Timoti 3:5

Dempla go akt po soe pipol dat dempla meke ebriting wanem God i wandem, bat prapawan, ol i go stap ane nomo bilib wea paua blo God. Mina stap longwei prom demkain pipol!

Leta po Taitas 1:16

Demkain pipol ya ai tokbaut, ol tok strongwan wen ol i spik dempla prapa sabe God, bat prapawan, dempla i no mekem wanem God i wandem. Demkain pipol i mina nugud, no sabe lisen tok, mina no rait po meke eniting wea i gud.