Mak tokbaut Zizas 7:22 - Torres Strait Creole (Yumplatok)

²² ol maret man o oman no kiptru po maret blo dempla, ol pipol uda gridi, ol pipol uda meke ol nugudting po ol nada pipol, ol pipol uda trike ane lai ol nada pipol, ol pipol uda meke ol badpasin po ebribodi, ol pipol uda bane ai po tingbaut ol man o oman, ol pipol uda zeles ol nada pipol, ol pipol uda daune God ane kareyan, ol nada pipol uda bloubaut demplaselp ane kamap, ane ol pipol uda i meke pan baut God, dempla nogad gudsens.

Mak tokbaut Zizas 7:22 ပူးပေါင်းရင်းမြစ်များ

Matiu tokbaut Zizas 20:15

I gad lo a, po wiskain ai mas yuze mani blo mi? Ane aukam yu wail wen ai meke da seimkain gudpasin po ebribodi?”

Matiu tokbaut Zizas 6:23

Bat ip yupla luk rongwei po meke ebriting, laip blo yupla i go kam wase yupla stap wea prapa nadakain dakples wea i nogad no lait. Yupla lugaut! Tekenotis nau. Maitbi demwei blo yupla i nogad no lait i sain. Yupla mait stil stap wea dakples.

Mak tokbaut Zizas 7:21

Ol dem nugudting stat insaid wea at ane tot blo pipol: ol nugudtot, ol nugud seks, kil, stil,

Mak tokbaut Zizas 7:23

Ol dem nugudting go kamaut prom insaid laip blo yupla, so God nogo wande yupla.’

Namba 2 leta po Sos blo Korint 10:5

Dem paitsamting, dem paua wea God i gibem po mipla, i po brokem daun ol lai tingking wea i stape ol pipol po sabebaut uda God. Ane dem paitsamting blo mipla i go broke ol dem agiu blo dem pipol, ane mipla go tane tingking blo dempla po lane dempla po stat po mekem wanem Kraist i wandem.

Namba 1 leta prom Pita 2:15

God i wande yupla po mata meke ol gudsamting solong i go stape demwan uda i meke laitok gense yupla.

Namba 1 leta prom Pita 5:5

Yupla dem yangpipol uda i gad bilib mas mekem wanem dem soselda i spik yupla po mekem. Ane yupla ebriwan mas elpe wananada wea ambolwei, bikoz i spik wea Baibol: ‘God i stanap nadasaid gense dem pipol uda tingk dempla aiklas, bat em i soe gudpasin blo em po dem pipol uda i soe ambolwei.’