Mak tokbaut Zizas 5:18 - Torres Strait Creole (Yumplatok)

¹⁸ Den Zizas ane ol klostuman blo em bin zamp baigen insaid da bot blo dempla, redi po go. Dat man wea Zizas i bin tekemaut dem nugudspirit, bin bege em ip em ken go wea dempla tu.

Mak tokbaut Zizas 5:18 ပူးပေါင်းရင်းမြစ်များ

Matiu tokbaut Zizas 4:24

Pipol prom ebri ples blo da eria ausaid prom Galali i bin lisenbaut em, raitap go po kantri blo Siria. Ol i bin teke ebridem pipol kam po Zizas wea dempla i bin gad bigpein lo bodi blo dempla, ane nugudspirit insaid lo dempla, demwan uda i bin paralaiz ane demwan uda i bin gede tumas pit. Ane Zizas i bin meke ebriwan dempla kamgudgen.

Mak tokbaut Zizas 5:15

Ol bin kam de wea Zizas. Ol bin paine da man uda bin gad dem nugudspirit. Em bin sidaun kuaiatwan, de klostu po Zizas ane em bin were klos nau. Em nomo dugi nau. Dem pipol bin prapa prait.

Mak tokbaut Zizas 5:16

Dempla uda bin luk wiskain Zizas bin mekem po da man, ol bin yan po dem nadalot pipol.

Mak tokbaut Zizas 5:17

Apta nau ol dem pipol bin bege Zizas po libe dempla ane go prom dat eria.

Mak tokbaut Zizas 5:7

Zizas bin spik po da nugudspirit diskain, ‘Yu nugudspirit, gedaut prom dis man!’ Da nugudspirit bin singaut prapa laudwan, ‘Wanem yu wandem wea mi Zizas, Boi blo da Prapa AntapGod. Plizgar, wea neim blo God, yu no panse mi, no meke mi po sapa.’