Mak tokbaut Zizas 1:4 - Torres Strait Creole (Yumplatok)

⁴ Orait. So dat mesizman blo God i bin kam. Neim blo em Zon. Zon bin go de wea da dezetples wea i nogad no man. Em i baptaiz ol man ane em i spik po dempla diskain, ‘Yupla mas libe ol dem nugudwei ane yupla mas baptaiz sole God go pogibe yupla po ol dem nugudting yupla bin mekem.’

Mak tokbaut Zizas 1:4 ပူးပေါင်းရင်းမြစ်များ

Matiu tokbaut Zizas 3:11

Den Zon i bin spik po dem pipol de, ‘Yupla uda bin tanewei prom dem nugudting wea yupla i bin mekem ane tan po God, ai baptaiz yupla ya lo wata. Bat i gad sambodi uda i mina nadakain mo bigman den mi. Ai no pit po bi sleib blo em. Em go baptaiz yupla lo OliSpirit ane lo paia.

Matiu tokbaut Zizas 3:6

Wen dempla i bin spik Zon baut dem rongting wea dempla i bin mekem, em bin baptaiz dempla de insaid lo Zodan Riba.

Mak tokbaut Zizas 1:5

Ebri pipol prom Zarusalem ane ol dem smolsmol taun blo Zudia i bin kam de klostu po lisen wanem Zon i tok. Demwan uda bin lisen, ol bin konpes po God baut ol dem nugudting dempla bin mekem. Ane Zon i bin baptaiz dempla wea Zodan Riba.

Luk tokbaut Zizas 1:77

Yu go spik ol pipol blo em diskain, em go seibe dempla ane em go pogibe ol sin blo dempla.

Zon tokbaut Zizas 3:23

Da seimtaim nau, Zon i bin baptaiz ol pipol de wea Ainon. Dis ples i klostu po Salim bikoz i bin gad tumas wata de. Ol pipol i bin kam de po Zon po baptaiz dempla.

Pas misnare wok 10:37

Yumpla sabe wanem i bin apen ebriwea wea Zudia. I bin stat prom Galali apta wen Zon Baptaizman i bin spik ebriwan dempla de mas baptaiz.

Pas misnare wok 22:16

Yu no weit! Gedap ane baptaiz, prea solong God i go pogibe ol nugudwei blo yu.”