Leta po Ibrupipol 7:3 - Torres Strait Creole (Yumplatok)

³ Nobodi i sabe uda papa ane mama blo em ane dem prapa longtaim Ate blo em, bikoz i nogad no tokbaut em. Em no bin bon ane em no bin ded. Em i bin mata meke wok blo God wiskain da Boi blo God i bin mekem ane em i prist poeba.

Leta po Ibrupipol 7:3 ပူးပေါင်းရင်းမြစ်များ

Matiu tokbaut Zizas 4:3

Den Satana i bin kam ane spik po em, ‘Ip yu prapa Boi blo God, tane dem ston ya po bred.’

Leta po Ibrupipol 4:14

Daswai yumpla i gad big Bosprist uda bin go antap po eben, ane dat big Bosprist i Zizas, Boi blo God. So yumpla mata stap strong po da bilib wea yumpla i gad lo em.

Leta po Ibrupipol 7:1

Melkizadek i bin king blo da siti blo Salem, ane em i bin prist blo da Prapa AntapGod tu. Orait, wen Eibram i bin kambaik prom pait ane win gense dem nada plenti king, Melkizadek i bin mite em ane bin blese em.

Leta po Ibrupipol 7:17

Insaid Baibol lo da buk blo Saam i spik diskain baut Kraist: ‘Yu mata prist poeba lo da seim lain blo Melkizadek.’

Leta po Ibrupipol 7:2

Den Eibram i bin gibe em wanten blo ebridem samting wea em i bin win prom pait gense dem nada plenti king. Da neim Melkizadek i min ‘king blo mata meke raitting ane pis’, ane king blo Salem i min ‘king blo pis’.

Leta po Ibrupipol 7:6

Bat Melkizadek, em no iben pamlelain blo Libai, bat em i bin teke wanten blo ebriting prom Eibram ane em bin blese Eibram tu, da wan uda i bin pinis gede dem promis prom God.