Leta po Ibrupipol 7:11 - Torres Strait Creole (Yumplatok)

¹¹ So nau, dem prist blo God uda i bin kamaut prom pamlelain blo Libai, God i bin gibe dempla dem lo blo Mozes solong dem prist ken soe dem pipol blo Izrael, dat dempla i mas pole dem lo. Ip dem prist bin mekem prapa wanem God i bin wandem, den God i no bin nid po sane nada prist prom dat dipren pamlelain blo Melkizadek. Dis prist i no bin kam prom dat pamlelain blo Aron ane Libai.

Leta po Ibrupipol 7:11 ပူးပေါင်းရင်းမြစ်များ

Leta po Sos blo Galasia 2:21

Ip yumpla i ken kam rait wea God prom pole ebridem lo, den Kraist i bin ded po nating. Bat God i wande seibe yumpla. Ai nogo sakwei da spesilpeiba blo God.

Leta po Sos blo Galasia 4:3

Ane i bin seimkain de pas bipo Kraist i bin kam. Yumpla i bin sleib po olkain nugudspirit blo dis wold.

Leta po Sos blo Galasia 4:9

Bat nau yupla i sabe uda i da tru God, ane da tru God i sabe uda yupla. Aukam yupla wande gobaik ane bi sleib po dem slaik nugud paua blo dis wold a?

Leta po Ibrupipol 5:10

Ane God i bin mekem Bosprist lo da seim lain blo Melkizadek.

Leta po Ibrupipol 5:6

Ane insaid lo nada ples lo Baibol, God i spik po em: ‘Yu mata prist poeba lo da seim lain blo Melkizadek.’

Leta po Ibrupipol 6:20

Zizas i bin pinis go de insaid pas po yumpla. Em bin kam Bosprist blo yumpla poeba wea da seim lain blo Melkizadek.

Leta po Ibrupipol 7:10

Wa, i prapa truwan. Libai i no bin bon yet, bat em i bin kam prom dat seim longtaim ate blo em Eibram, wen Melkizadek i bin teke da wanten prom Eibram de pas.

Leta po Ibrupipol 7:12

Ane wen da pamlelain blo dem prist i seinz po dipren pamlelain, wa, dem lo i mas seinz tu po pit wea dat dipren pamlelain.

Leta po Ibrupipol 7:13

Bat dis prist wea yumpla i tokbaut i da BosLod. Em bin kam prom dipren pamlelain, ane nobodi prom dat pamlelain blo em i bin meke wok blo prist antap lo olta.

Leta po Ibrupipol 7:15

Wel yumpla i ken luk nau, God i bin seinze dem lo. Em i bin sane wan dipren prist kam uda i seimkain wase Melkizadek.

Leta po Ibrupipol 7:21

Mata po Zizas em bin spik diskain: ‘Da AntapGod i bin meke prapa strongpromis, ane em nogo broke da prapa strongpromis: “Yu mata prist poeba.” ’

Leta po Ibrupipol 8:7

Ip i no bin gad nating rong wea pas strong griment, wel God i no bin meke da sekanwan.

Leta po Ibrupipol 9:6

Wen demting i bin redi, dem prist i bin go insaid lo dat pas rum ebridei po prea.