Zenasis - Stat blo ebriting 7:11 - Torres Strait Creole (Yumplatok)

¹¹ Wen Noa i bin kese 600 iya oul ane lo da sebentin dei blo namba tu mant, ebridem spring blo prapa bigwata andanit wea da graun i bin bas kam antap go ausaid, ane da skai bin open wase winda.

Zenasis - Stat blo ebriting 7:11 ပူးပေါင်းရင်းမြစ်များ

Zenasis - Stat blo ebriting 1:7

Ane i bin apen wiskain God i bin odarem. Wa! God i bin meke speis po meke ol wata po stap antap wea da speis ane ol wata stap andanit wea da speis tu.

Zenasis - Stat blo ebriting 6:17

‘Ai bin meke main blo mi po meke prapa big pladwata po mata ran kam antap kabare da ert ane em i go prapa distroi laip prom ebri laipsamting wea i gad laip. Ebriting i gobi smas.

Zenasis - Stat blo ebriting 7:6

Wen Noa i bin kese 600 iya oul, prapa big pladwata wea i bin kam, i bin mata ran kabare da ert.

Zenasis - Stat blo ebriting 8:14

Nada tu mant bin pas ane da lan i bin prapa drai.

Zenasis - Stat blo ebriting 8:2

Ebridem spring blo da prapa bigwata andanit wea lan ane skai wea i bin open wase winda, bin satem, ane rein i bin stap prom poldaun.

Matiu tokbaut Zizas 24:38

Bipo da big pladwata i bin kam, dem pipol i bin meke ol big maretpati, ol big kaikai ane big dringkap, spakap. Dempla i bin meke demkain raitap po da taim wen Noa i bin go insaid po da bot blo em.

Namba 1 leta po Sos blo Tesalonika 5:3

Wen ol pipol go spik diskain ya, ‘I mata taim blo pis, nomo gad ol trabol ane i seip nau. Ol badting nogo apen.’ Wea dat seimtaim, kuikwan, nadakain nugudting i go apen po dempla, kuikwan wase pein i kese oman bipo em i bone pikinini. Ane dem pipol kan ranwei prom dem nugudting.

Namba 2 leta prom Pita 3:6

God i bin mata spik ane big pladwata i bin damiz ebriting blo da wold.