Zenasis - Stat blo ebriting 50:18 - Torres Strait Creole (Yumplatok)

¹⁸ Den dem bala blo Zosep dempla bin kam ane kuikwan sake demplaselp pesdaun lo da graun prant lo Zosep, ane dempla bin spik po Zosep, ‘Wa! Mipla i ol sleib blo yu nau.’

Zenasis - Stat blo ebriting 50:18 ပူးပေါင်းရင်းမြစ်များ

Zenasis - Stat blo ebriting 27:29

Ai aske God po meke ebri pipol uda stap lo ert, ol gobi sebant blo yu ane ol pamlelain blo yu. Ai aske God po meke yu ane ol pamlelain blo yu po bi bos blo ebri kazenbala blo yu. Dempla go lisen tok ane pole oda blo yu ane pamlelain blo yu. Ip enibodi kerse yu den God go kerse dempla, ane ip enibodi blese yu den God go blese dempla.’

Zenasis - Stat blo ebriting 41:43

Ane em bin gibe Zosep da sekan oskariz blo da Pero king. Nomata wea Zosep i go go, dem amiman i singaut prant lo Zosep diskain, ‘Yupla baudaun, Zosep ya kam!’ So da Pero king i bin meke Zosep po bi bos blo kantri blo Izipt.

Zenasis - Stat blo ebriting 42:6

Zosep i bin da sekanbos blo kantri blo Izipt. I bin em uda gibe oda po sele wit po ebridem pipol. Ane wen ol bala blo Zosep i bin kam de wea Izipt, dempla bin baudaun pesdaun prant lo Zosep.

Zenasis - Stat blo ebriting 44:14

Zosep i bin mata de lo aus wen Zuda ane ol bala blo em bin kam de. Dem bala bin kuikwan poldaun godaun lo da graun prant wea Zosep.

Zenasis - Stat blo ebriting 45:3

Zosep i bin spik po dem bala blo em, ‘Yupla megaraut mi, ai Zosep. Papa blo mi stil laip a?’ Bat dem bala bin gad nating po spik. Ol bin blok. Dempla prapa kan bilib dempla luk Zosep. Dempla kan ansa ol tok blo em.

Zenasis - Stat blo ebriting 50:17

em bin oda mipla po spik yu diskain, “Pliz gar pogibe mipla ol bala blo yu po dat nugudting wea mipla i bin mekem gense yu, po dat nugudsin dempla i bin mekem gense yu.” Pliz gar pogibe mipla, ol sebant blo da God wea papa blo yu i wosip.’ Zosep i bin prapa bigkrai wen em bin lisen dis tok.

Zenasis - Stat blo ebriting 50:19

Bat Zosep spik po dempla, ‘No prait! Ai kan zaze yupla ane panis yupla. Ai no God.