Zenasis - Stat blo ebriting 5:3 - Torres Strait Creole (Yumplatok)

³ Wen Adam i bin kese 130 iya oul, em i bin gad wan boi pikinini uda bin prapa luk wase em, ane em bin kolem Set.

Zenasis - Stat blo ebriting 5:3 ပူးပေါင်းရင်းမြစ်များ

Zenasis - Stat blo ebriting 4:25

Adam bin slip wea oman blo em gen, ane em bin bone wan boi pikinini. Ib i bin kolem Set ane em bin spik diskain, ‘God i bin gibe mi nada boi pikinini po teke ples blo Eibol bikoz Kein i bin kile em.’

Zenasis - Stat blo ebriting 5:4

Da taim apta wen Set i bin bon, Adam i bin stap laip po nada 800 iya, ane Adam i bin gad ol nada boi ane gel pikinini tu.

Luk tokbaut Zizas 1:35

Da einzel ansa em baik, ‘Da OliSpirit go kam insaid wea yu ane da paua blo da Prapa AntapGod go kaba yu. So da pikinini wea i go bon, i gobi Boi blo God.

Luk tokbaut Zizas 3:36

Sela i da boi blo Kainan. Kainan i da boi blo Arpaksad Arpaksad i da boi blo Sem. Sem i da boi blo Noa. Noa i da boi blo Lamek.

Zon tokbaut Zizas 3:6

Pipol mata ken bone pipol, bat OliSpirit blo God i ken gibe niulaip prom eben.

Leta po Sos blo Rom 5:12

Yumpla sabe, wen God bin meke dis wold ebriting bin prapa gud. Bat den dat man, neim blo em Adam, i bin meke nugudting ane prom dat taim sin i bin kam po dis wold. Ane ded i bin kam bikoz prom sin. So nau yumpla ebribodi mas ded bikoz ebri pipol blo dis wold meke ol nugudting, ane demting i sin.

Namba 1 leta po Sos blo Korint 15:39

Ane seimkain wiskain i gad ol dipren sid ane plant, wa, i gad olkain diprenting wea i gad laip tu, wase ol pipol, ol animal, ol pizin ane ol pis.

Namba 1 leta po Sos blo Korint 15:49

Seimkain wiskain yumpla wase Adam, dat pas man blo da wold, so bambai yumpla gobi wase Kraist, dat man prom eben.

Leta po Sos blo Episis 2:3

Yumpla bin meke ol samting seimkain wase dem pipol blo dis wold. Yumpla i bin meke ol nugudting wanem yumpla bodi i wandem ane yumpla i bin mekem wanem yumpla nugudsens i bin wandem. Ane yumpla bin demkain wase ol pipol blo dis wold, wea God i redi po panse dempla wea da big wail blo em.