Zenasis - Stat blo ebriting 48:20 - Torres Strait Creole (Yumplatok)

²⁰ So Zekop i bin aske God po blese demtu boi ane em bin spik dis blesing, ‘Wen dem pipol blo Izrael i go blese wananada, dempla go yuze neim blo yutu. Dempla go spik, “Mait God i go blese yu seimkain wiskain God i bin blese Ipreim ane Manasa.” ’ Wea dem tok, Zekop bin meke Ipreim kam pas prant wea Manasa.

Zenasis - Stat blo ebriting 48:20 ပူးပေါင်းရင်းမြစ်များ

Zenasis - Stat blo ebriting 24:60

Ane pamle blo Ribeka bin blese Ribeka, ane dempla i bin spik diskain: ‘Sisi blo mipla, mait yu go kam mama blo ol prapa plenti pipol! Mait ol pamlelain blo yu go smase dem pipol uda enami blo yupla.’

Zenasis - Stat blo ebriting 28:3

Ai aske da Strong AntapGod po blese yu, ane yu go gad plenti pikinini ane ol plenti pamlelain i go kamaut prom yu.

Zenasis - Stat blo ebriting 48:21

Den Zekop i bin spik po Zosep, ‘Wa! Ai go ded sun, bat God i go lugaut yu ane teke yu gen gobaigen po da lan blo ol ate blo yu.

Leta po Ibrupipol 11:21

Zekop i bin gad mina nadakain strong bilib lo God, daswai wen em i bin kam oul, redi po ded, em i bin stanap de lo wokingstik blo em, baue ed blo em ane em bin prea, blese demtu boi blo Zosep.