Zenasis - Stat blo ebriting 45:18 - Torres Strait Creole (Yumplatok)

¹⁸ Go teke papa blo yupla kam, ol pamle blo dempla ane kambaigen ya.” Spik po dempla, “Ai go gibe yupla da prapa bes lan i gad ya lo Izipt, ane yupla go gad prapa gud kaikai po kaikai lo dis kantri.”

Zenasis - Stat blo ebriting 45:18 ပူးပေါင်းရင်းမြစ်များ

Zenasis - Stat blo ebriting 27:28

Ai aske God po oltaim meke diu po wete dem gadan wea i gad kaikai blo yu ane pamlelain blo yu, ane ai aske God po oltaim meke ol gadan blo yu po groe ol plenti gud kaikai blo wit ane wain.

Zenasis - Stat blo ebriting 45:17

Da Pero king i bin spik po Zosep, ‘Spik po ol bala blo yu, “Meke diswan: pute dem samting antap lo ol animal blo dempla ane gobaigen po da lan blo Kanan.

Zenasis - Stat blo ebriting 46:34

yupla mas spik diskain, “Ol sebant blo yu, mipla prom de pas i bin ebritaim lugaut ol animal, seimkain wase ol ate blo mipla.” Wen yupla go tok demkain, da Pero king i go laue yupla po stap lo da ples blo Gosin, bikoz dem pipol blo Izipt i prapa no wande miks o meke enisamting wea ol pipol uda lugaut ol animal.’

Zenasis - Stat blo ebriting 47:6

meke dempla stap lo da prapa bes ples wea i gad ya lo Izipt. Laue dempla po stap lo Gosin. Ip i gad prapa gudman prom dempla wea ol i sabe lugaut animal, meke dempla po bi bosman po lugaut ol animal blo mi tu.’