Zenasis - Stat blo ebriting 41:8 - Torres Strait Creole (Yumplatok)

⁸ Neks moning, da Pero king i bin prapa nadakain wori. Em bin wande paindaut wanem dem drim i min. Em bin singaut ebridem maidman po kam ane ebri man uda sabe ebrisamting. Da Pero king i bin spik dempla dem drim blo em, bat nobodi i bin sabe wanem dem mining blo dem drim blo da Pero king.

Zenasis - Stat blo ebriting 41:8 ပူးပေါင်းရင်းမြစ်များ

Zenasis - Stat blo ebriting 40:6

Moningtaim wen Zosep i bin kam po demtu, em i bin luk demtu bin prapa wori.

Zenasis - Stat blo ebriting 40:8

Demtu bin ansa, ‘Mitu bin gad tu drim, ane i nogad nobodi po spik wanem i min.’ Zosep i spik po demtu, ‘No wori. Mata God gad sabe po gibe ansa blo ol drim! Mata yan lo mi wanem yutu bin drim.’

Zenasis - Stat blo ebriting 41:15

Da Pero king spik po Zosep, ‘Ai bin gad wan drim, ane i gad nobodi ya uda ken spik mi wanem ai bin drim. Ai bin lisen i gad tokbaut yu diskain, wen yu lisen drim yu ken spik wanem da mining.’

Zenasis - Stat blo ebriting 41:24

Dem prapa skini wited i bin kaikai dem seben prapa raip ane swelap wited. Bat wen ai bin spik dem drim po dem maidman, i bin gad nobodi uda ken spik wanem i min.’

Zenasis - Stat blo ebriting 41:7

Dem wited wea i prapa nugud ane prapa skini, i bin kaikai dem prapa raip ane swelap wited. Da Pero king bin gedap prom slip, ane em sabe demwan i bin drim.

Matiu tokbaut Zizas 2:1

Zizas i bin bon lo taun blo Betliem insaid lo eria blo Zudia, lo taim wen Erod i bin king. Apta wen Zizas i bin bon, sam smat ane waizman prom da ist, i bin kam po Zarusalem. Dempla i bin askem diskain po ol pipol de,

Pas misnare wok 17:18

Sam dem smatman de bin longsaidman blo wan tisa, neim blo em Ipikuria, ane nadalot uda i longsaidman blo Zeno. Dempla i bin agiu wea Pol baut da gudniuz blo Zizas wen em bin spik Zizas i bin gedap laipwan apta wen em bin ded. Sam dem man i bin tok po wananada diskain, ‘Ei! Dis man ya em tok smat, bat tok blo em stupittok.’ Nadalot i bin spik, ‘Maitbi em tokbaut sam streinz god wea yumpla i no sabe.’

Pas misnare wok 7:22

Mozes bin lane ebriting wanem ol dem man blo Izipt i bin sabe. Em bin prapa strong ane em bin gad paua wen em tok. Ebribodi i bin tekenotis em.

Namba 1 leta po Sos blo Korint 1:19

God i spik demkain lo Baibol: ‘Ai go meke dem gudsens blo dem pipol uda tingk dempla i gud, po kam prapa nating, ane ai go meke dem smat tingking blo dem pipol uda tingk dempla prapa smat, prapa nating tu.’