Zenasis - Stat blo ebriting 38:14 - Torres Strait Creole (Yumplatok)

¹⁴ Tamar sabe Sela em bigman nau, bat em stil weit wattaim Zuda go maret demtu, Tamar ane Sela. Tamar i bin tekemaute dem widooman klos wea em bin werem. Em bin pute nada klos po wantaim kabare ed ane pes blo em. Den em bin go sidaun wea da rod wea i go, go insaid po da biliz blo Enaim. Dis seim rod i pas tru Enaim go stret po taun blo Timna.

Zenasis - Stat blo ebriting 38:14 ပူးပေါင်းရင်းမြစ်များ

Zenasis - Stat blo ebriting 24:65

Den em bin spik diskain po bossebant blo Eibram, ‘Ei! Uda dat man lo dat ples de, ane em ya wagbaut kam po mipla?’ Da bossebant i bin ansa, ‘Diswan i bos blo mi. Neim blo em Aizak.’ Den Ribeka i bin tekemaute da edskap blo em ane em bin kabare pes blo em.

Zenasis - Stat blo ebriting 38:15

Wen Zuda bin luk Tamar, em bin tingk em oman uda sele emselp po mani bikoz Tamar bin kabare pes blo em.

Zenasis - Stat blo ebriting 38:19

Den Tamar i bin gedap ane em bin go aus blo em. Ane em bin tekemaute da klos wea i bin kabare ed ane pes blo em, ane em bin were dem seim klos wea em bin werem pas po soem dat em widooman.

Zenasis - Stat blo ebriting 38:26

Den Zuda bin luk dem samting blo em, ane em spik, ‘Tamar bin meke rait ane stret ting. Ai bin meke rongting bikoz ai no bin meke em po kam oman blo Sela, boi blo mi.’ Zuda nomo bin slip lo Tamar gen.