Zenasis - Stat blo ebriting 37:8 - Torres Strait Creole (Yumplatok)

⁸ Dem bala blo Zosep bin spik po em, ‘Yu tingk yu gobi king ane bos blo mipla a?’ Wa, dem bala bin eitem mo bikoz prom dem drim blo em ane bikoz prom wanem em bin spikbaut dempla.

Zenasis - Stat blo ebriting 37:8 ပူးပေါင်းရင်းမြစ်များ

Zenasis - Stat blo ebriting 27:41

Tru gar, Iso prapa no bin laik Zekop bikoz em bin teke blesing blo em. Iso bin tok po emselp ane spik diskain, ‘Da taim i klostu po papa blo mi go lus ane mipla go krai. Wen mipla go pinis krai, den ai go go po kile Zekop.’

Zenasis - Stat blo ebriting 37:4

Bat wen dem bala blo Zosep bin luk papa blo dempla i bin mina laik Zosep moden dem ebri bala blo em, dempla bin prapa no laik em, ane kan tok naiswei po em.

Zenasis - Stat blo ebriting 37:9

Den Zosep bin gad nada drim, ane bin spik po ebri bala blo em diskain, ‘Ai bin gad nada drim gen. Da san, mun, ane leben sta i bin baudaun tase graun prant lo mi!’

Zenasis - Stat blo ebriting 42:10

Dem bala blo em bin ansa po em, ‘Nono gar, bos blo mipla! Mipla ol sebant blo yu uda bin kam po baie kaikai gar.

Zenasis - Stat blo ebriting 44:18

Den Zuda i bin kam klostu po Zosep ane spik, ‘Yagar, bos blo mi, laue sebant blo yu po tok wea yu lo gudwei. No wail wea mi gar. Yu prapa bigman seimkain wase da Pero king emselp ane yu gad dat rait po kile mi.

Zenasis - Stat blo ebriting 49:26

Da blesing wea papa blo yu i bin kesem prom dem ate blo yu, i mobig den blesing wea God i bin mekem po dem maunten wea i mata stap poeba, ane da prapa nais samting prom dem il wea i mata go poeba. Wa. God i po meke ol gudsamting ya po Zosep, wea i bin mekem po bi bos blo ol bala blo em.

Zenasis - Stat blo ebriting 50:18

Den dem bala blo Zosep dempla bin kam ane kuikwan sake demplaselp pesdaun lo da graun prant lo Zosep, ane dempla bin spik po Zosep, ‘Wa! Mipla i ol sleib blo yu nau.’

Luk tokbaut Zizas 19:14

Bat dem pipol blo em, ol bin prapa eite em ane dempla bin sane ol mesinza go biain po spik da bigking wea Rom diskain, “Mipla no wande dis man po king blo mipla.”

Luk tokbaut Zizas 20:17

Bat Zizas bin luk stret po dempla, ‘Orait. So wanem da mining blo dis tok i bin raitem wea Baibol? “Diswan da timba wanem ol dem kapenta no bin wandem, bat nau em da meintimba po olde da rup po meke da rup strong.” ’

Pas misnare wok 7:35

‘Diswan da seim man Mozes, uda dem pipol blo Izrael no bin wande em. Ol bin spik diskain, “Ei! Uda bin meke yu rula ane zaz blo mipla?” God bin spik po Mozes tru da einzel prom da bus, dat em go sane Mozes po bi lida ane blo seibe dem pipol blo Izrael.

Leta po Ibrupipol 10:29

So wanem yupla tingk i go apen po demwan uda no soe no rispekt ane daune da Boi blo God, ane wanem i apen po da blad blo em blo dat niu strong griment? Dempla mekem wase i kasa blad ane i no oli. Demkain pipol i tok prapa nugudwei gense da OliSpirit, daune em ane mekem wail. Da OliSpirit i da wan uda teke da sorewei blo God kam po ol pipol blo em. Tingbaut wiskain prapa nadakain nugud panis dempla i go gedem.