Zenasis - Stat blo ebriting 32:4 - Torres Strait Creole (Yumplatok)

⁴ Zekop i bin prapa spik po dem mesizman, ‘Diswan i wanem yupla mas spik po Iso, bos blo mi, “Sebant blo yu Zekop i spik diskain, ‘Ai bin stap longtaim lo awa Laban ane ai bin stap de antil distaim nau.

Zenasis - Stat blo ebriting 32:4 ပူးပေါင်းရင်းမြစ်များ

Zenasis - Stat blo ebriting 23:6

‘Mai bos, lisen ya po mipla, yu prapa bigman ya wea mipla. Bere oman blo yu lo eni dem prapa gud beriolples blo mipla. Eniwan ane ebriwan prom mipla i nadakain api po gibe yu beriolples, solong yu ken bere em.’

Zenasis - Stat blo ebriting 25:30

Iso spik diskain po Zekop, ‘Yagar. Ai prapa anggre! Ariap. Gibe mi sam red bezdabol sup.’ (Diswan wiskain em bin gede dis nada neim blo em, Edom, wea i min ‘red’.)

Zenasis - Stat blo ebriting 27:29

Ai aske God po meke ebri pipol uda stap lo ert, ol gobi sebant blo yu ane ol pamlelain blo yu. Ai aske God po meke yu ane ol pamlelain blo yu po bi bos blo ebri kazenbala blo yu. Dempla go lisen tok ane pole oda blo yu ane pamlelain blo yu. Ip enibodi kerse yu den God go kerse dempla, ane ip enibodi blese yu den God go blese dempla.’

Zenasis - Stat blo ebriting 27:37

Aizak ansa Iso diskain, ‘Ai bin pinis meke em po bi bos blo yu, ane ai bin meke ebri kazen blo em po bi ol sebant blo em, ane ai bin aske God po oltaim meke ol gadan blo em po groe prapa plenti wit ane wain. Yagar mai boi! Ai kan meke nating po yu nau.’

Zenasis - Stat blo ebriting 31:41

I bin wase demkain po dem long tuenti iya ai bin wea yu. Ai bin wok po yu po potin iya solong ai ken maret tu gel blo yu, ane nada siks iya mo ai bin lugaut ol sip ane gout blo yu. Ane dem taim yu bin prapa seinze ol pei blo mi tentaim.

Zenasis - Stat blo ebriting 32:18

Den yu go ansa gobaigen po em, “Dem animal ya i blo sebant blo yu Zekop. Dem animal ya i present po yu, Iso, bos blo em. Zekop ya kam biain lo mipla.” ’

Zenasis - Stat blo ebriting 32:5

Ai gad buluk, kau, dongki, sip, gout ane ol man ane oman sebant. Diskaintaim ai sane dis mesiz po yu gar, bos blo mi, solong yu gobi nadakain api wen yu go luk mi.’ ” ’

Zenasis - Stat blo ebriting 33:14

Yu go pas ane ai go kam biain, ane ai go kam biain slowan. Ai go mekem stret po dem spid blo dem animal ane pikinini. Den ai go mite yu wea da lan blo Ser.’

Zenasis - Stat blo ebriting 33:8

Iso aske Zekop gen, ‘Ane wanem ol dem bigmob animal ai bin luk wen ai bin pas kam diswei ai bin luk?’ Zekop i bin ansa po em, ‘Dem animal i ol present po yu. Yu bos blo mi. Ai bin gibem solong yu gobi nadakain api po mi.’

Zenasis - Stat blo ebriting 36:8

So Iso bin go ane stap lo da ilkantri blo Ser. Nada neim blo Iso i Edom.

Zenasis - Stat blo ebriting 36:9

Diswan ya stori blo pamlelain blo Iso, dem pipol blo Edom uda bin stap lo ilkantri blo Ser.

Zenasis - Stat blo ebriting 4:7

Ip yu go meke gudting blo raitwei, yu gobi api nau. Bat ip yu nogo meke gudting lo raitwei, den lugaut. Nugudpasin ya i weit po kese yu ane tere yu, bat yu mas bite em ane kam bos blo em.’

Luk tokbaut Zizas 14:11

Dempla uda meke demplaselp prapa big, God go meke dempla kamdaun lou. Bat dempla uda meke demplaselp lou, God go meke dempla big.’

Namba 1 leta prom Pita 3:6

Teke wei blo Sera. Em bin obei man blo em, Eibram, wen em bin kolem bos. Yupla i ol gel blo Sera tu. Ip yupla i meke ol raitting, yupla nogo prait prom eniting wanem man blo yupla mait go mekem.