Zenasis - Stat blo ebriting 3:15 - Torres Strait Creole (Yumplatok)

¹⁵ Prom distaim nau yu ane da oman i gobi ol enami. Ane pikinini blo yu ane pikinini blo em i gobi ol enami tu. Pamlelain blo em i go smase ed blo yu, ane yu go baite put blo pamlelain blo em.’

Zenasis - Stat blo ebriting 3:15 ပူးပေါင်းရင်းမြစ်များ

Zenasis - Stat blo ebriting 49:17

Dan i gobi wan sneik lo said blo da rod, wan bad sneik klostu po busrod, wea em baite da leg blo os, solong dat man uda raidem i go poldaun.

Matiu tokbaut Zizas 1:23

‘Luk! Da oman uda prapa no sabe slip lo man em go gad pamle! Em go bone boi pikinini, ane demtu i go neim em Imanuel. Dis neim i min “God i ya midel lo yumpla”.’

Matiu tokbaut Zizas 1:25

Meri i bin stap demkain, no slip lo Zosep antil da boi i bin bon, den Zosep i bin neim em Zizas.

Matiu tokbaut Zizas 12:34

Yupla prapa wase sneik! Yupla prapa kan tokbaut eni gudsamting, bat mata ol nugud samting, dem seim nugud samting wea i bin ebritaim stap insaid lo at blo yupla.

Matiu tokbaut Zizas 13:38

Dis wold i seimkain wase da gadan, ane dem pipol uda meke wok blo God, i seimkain wase dem gudsid. Dem pipol uda meke wok blo Satana, i seimkain wase dem putigras.

Matiu tokbaut Zizas 23:33

Dem ate blo yupla i bin wase sneik, ane yupla tu i wase sneik. Ai spik po yupla tru. Yupla kan ranwei prom da big paia blo el.

Matiu tokbaut Zizas 3:7

Bat wen em i bin luk ol dem Parasi ane nadalot uda bin kole demplaselp Sadusi, kam de wea em baptaiz ol dem pipol, em bin spik po dempla, ‘Yupla debol! Yupla wase dem dedli sneik! Yupla kan ranwei prom zazment blo God ya go kam. Yupla tingk ip ai go baptaiz yupla, God i go pogibe yupla prom dem nugudting wea yupla i bin mekem? Yupla rong.

Mak tokbaut Zizas 16:18

Ane nomata dempla kese ol sneik lo an blo dempla o dringk poizin samting, dempla nogo ded. Wen dempla go prea ane pute an blo dempla antap dem sikpipol, dem sikpipol go kamgudgen.’

Luk tokbaut Zizas 1:76

‘Ane yu, boi pikinini blo mi, ebriwan go kole yu spesilmesizman blo da Prapa AntapGod. Yu go pas, bipo da BosLod i go kam ane yu go meke da rod redi po em.

Luk tokbaut Zizas 10:19

Yupla lisen nau, tekenotis. Ai bin gibe yupla rait po kare lo, paua po smase ol dem dedli sneik ane ol dem skopion wea put blo yupla. Ai bin gibe yupla paua po kare lo oba dem debolspirit po bite dempla. Nating go erte yupla.

Luk tokbaut Zizas 22:53

Wasmara yupla no bin kese mi wea Tempol? Ebridei ai bin de. Bat ai sabe diswan i taim blo Satana, ane yupla mas meke wok blo em.’

Luk tokbaut Zizas 24:27

Den Zizas bin eksplein po demtu wanem da Baibol i spikbaut emselp. Em bin yan demtu ebriting wanem Mozes ane ol dem spesilmesizman blo God i bin spikbaut da Promiswan.

Zon tokbaut Zizas 8:44

Yupla ol i bin bon prom papa blo yupla, Satana. Dem nugud samting wea dem longtaim bipo papa blo yupla i bin mekem, wa, yupla i meke dem seim samting tu. Satana i da kila prom de bipotaim wen God i bin meke ol pipol po stap wea dis wold. Em i prapa eite eni trutok baut God, nogad no truwei wea laip blo em. Wen em spik, em mata spik ol laitok. Laip blo em i mata blo ol lai. Em i da papa blo mata lai.

Pas misnare wok 13:10

Den em bin spik diskain, ‘Yu debol pikinini. Yu man po blape ebribodi, ane laiman. Yu enami blo ebriwan uda spikbaut dem truwei blo God. Yu man po mata tuiste dem raitwei blo da BosLod.

Leta po Sos blo Rom 16:20

God uda gibe pis em i go smase Satana nadakain. Em i go mekem poldaun andanit wea leg blo yupla. Ane da spesilpeiba blo yumpla BosLod Zizas bi de wea yupla ebriwan.

Leta po Sos blo Rom 3:13

‘Tok blo demkain pipol i wase nugud smel i kamaut prom greib wea i no bin kabarem. Dempla spik ol prapa swittok po swite ol pipol bat dempla ebritaim spik ol laitok.’ ‘Tok blo dempla i nadakain dedli wase poizin blo prapa dedli sneik, nap po kile pipol kuikwan.’

Leta po Sos blo Galasia 4:4

Bat wen dat raittaim i bin kam, God bin sane Boi blo em kam, bon seimkain wase ol nada pikinini prom mama, ane po em po stap andanit wea dem Zuwislo.

Leta po Sos blo Episis 4:8

Daswai Baibol i spik diskain: ‘Bipo em bin go antap po dat ples de prapa rait antap, em bin pait gense ol enami blo em ane em bin win ane em bin gibe ol gipt po ol pipol blo em.’

Leta po Sos blo Kolosi 2:15

God i bin pait ane win gense dem bos blo debolspirit ane dem debolspirit uda i kare lo. Em bin meke dempla sem prant wea ol pipol wen em bin smase demting de wea da kros blo Kraist.

Leta po Ibrupipol 2:18

Prom dat taim wea em i bin go tru pein ane test, em i ken elpe yumpla nau wen yumpla i go tru ol prapa adtaim blo test.

Leta po Ibrupipol 5:7

Wen Zizas i bin ya wea ert, em i bin prea prapa adwan. Em i bin krai ane singaut po da wan uda i ken seibe em prom ded. Ane God i bin lisen prea blo em, bikoz prom rispekt wea Zizas i gad po God.

Namba 1 leta prom Zon 3:10

So nau yumpla i ken luk uda i pikinini blo God ane uda i pikinini blo Satana. Ebri pipol uda i no meke ol samting wanem God i wandem, dempla i no ol pikinini blo God. Demwan uda no labe ol nada amenpamle, wa, dempla no blo God.

Namba 1 leta prom Zon 3:8

Ebri pipol uda i kip meke sin, dempla i blo Satana, bikoz Satana bin ebritaim meke sin prom de pas, prapa longtaim bipo. Bat da Boi blo God i bin kam po smase ol dem samting wea Satana i bin mekem.

Namba 1 leta prom Zon 5:5

Ane demwan uda i pait ane win gense da wold, i demwan nau uda i prapa bilib dat Zizas i da Boi blo God.

Rebaleisan - end blo ebriting 12:17

Nau da dragan em i bin prapa nadakain wail po dat oman, so em i go ane pait gense ol dem nada pikinini blo dat oman. Demwan dem seim pikinini ya uda bin lisen ane obei dem lo blo God ane uda spik dempla blo Zizas.

Rebaleisan - end blo ebriting 13:7

Da wailanimal i bin gede da rait po kare lo po pait gense ebridem pipol blo God ane kese ebridem pipol po pose dempla po kam andanit lo emselp. Em i gad rait po ruloba ebridem pamlelain, ebridem pipol, ane ol langus ane ebridem kantri.

Rebaleisan - end blo ebriting 2:10

Yupla mas no prait prom enisamting wanem i go kam po meke yupla sapa. Yupla sabe! Bambai Satana i go pute sam prom yupla insaid lo zeilaus po teste yupla. Ane ol trabol blo yupla i go go po ten dei. Nomata em go kile yupla, yupla mas mata stap strong lo mi. Wen yupla mekem diskain, ai go gibe yupla niulaip ane dis laip i go mata go, kan pinis.

Rebaleisan - end blo ebriting 20:10

So nau Satana, uda bin tumas trike ol pipol, ol i bin teke em ane sake em insaid lo nadakain big ples lo prapa ot paia wea em i ban wea salpaston. Em i go ban melen wea dat wailanimal ane dat laimesizman blo em. Ane nomata i naittaim o deitaim, demplatri i go prapa sapa pogud prom dat paia wea i go mata kipgo, no sabe pinis.