Zenasis - Stat blo ebriting 27:28 - Torres Strait Creole (Yumplatok)

²⁸ Ai aske God po oltaim meke diu po wete dem gadan wea i gad kaikai blo yu ane pamlelain blo yu, ane ai aske God po oltaim meke ol gadan blo yu po groe ol plenti gud kaikai blo wit ane wain.

Zenasis - Stat blo ebriting 27:28 ပူးပေါင်းရင်းမြစ်များ

Zenasis - Stat blo ebriting 27:37

Aizak ansa Iso diskain, ‘Ai bin pinis meke em po bi bos blo yu, ane ai bin meke ebri kazen blo em po bi ol sebant blo em, ane ai bin aske God po oltaim meke ol gadan blo em po groe prapa plenti wit ane wain. Yagar mai boi! Ai kan meke nating po yu nau.’

Zenasis - Stat blo ebriting 27:39

Den papa blo em Aizak bin ansa po Iso diskain, ‘Orait! Ai go blese yu diskain. Yu ane pamlelain blo yu nogo gad gud lan po groe olkain gadan kaikai ane ol diu prom antap nogo wete dem gadan kaikai blo yu.

Zenasis - Stat blo ebriting 45:18

Go teke papa blo yupla kam, ol pamle blo dempla ane kambaigen ya.” Spik po dempla, “Ai go gibe yupla da prapa bes lan i gad ya lo Izipt, ane yupla go gad prapa gud kaikai po kaikai lo dis kantri.”

Zenasis - Stat blo ebriting 49:20

‘Asa go gad lan po groe ol nadakain nais kaikai. Dis kaikai em rait po gibe ol king po kaikai.

Zenasis - Stat blo ebriting 49:25

Lete da God blo ol ate blo mi elpe yu. Lete da Strong AntapGod blese yu wea ol rein po wete dem gadan kaikai blo yu, ane wea dem spring wata wea i go kamaut andanit prom graun. Ane wea yu go gad plenti pikinini ane ol plenti animal.

Leta po Sos blo Rom 11:17

Ol Nozuwispipol i wase olibtri wea i gro insaid lo bus. Dem Zuwispipol i wase olibtri wea i gro wea gadan, dis tri i blo Eibram. Ane sam dem tam prom dis tri, God i bin katemaut ane mekpas yupla, yupla blo dat wailbus olibtri. So nau yupla go de po dem ples wea dat tri wea i gro wea gadan. Bikoz yupla pat blo dis tri nau, yupla go gad sea blo da blesing tu.

Leta po Ibrupipol 11:20

Aizak i bin gad mina nadakain strong bilib lo God, daswai em i bin blese tu boi blo em, Zekop ane Iso. Ane em i bin gad strong bilib po wanem God i go mekem lo demtu.