Zenasis - Stat blo ebriting 22:17 - Torres Strait Creole (Yumplatok)

¹⁷ ai go blese yu nau, ane ai go meke ol pamlelain blo yu mina plenti wase dem sta lo skai, ane wase san wea ol sanbis. Ane ol pamlelain blo yu i go prapa smase dem pipol uda no laik dempla ane gobi bos blo siti blo dempla.

Zenasis - Stat blo ebriting 22:17 ပူးပေါင်းရင်းမြစ်များ

Zenasis - Stat blo ebriting 12:2

Ai go meke yu bigate blo wan bigmob pipol uda stap wea dempla oun kantri, ane ai go blese yu ane meke yu gad prapa bigneim. Bikoz prom yu, ai go blese ol pipol.

Zenasis - Stat blo ebriting 13:16

Ai go meke pamlelain blo yu prapa plenti solong nobodi i ken kaunte dempla. I go gad mo dempla den dast wea ert.

Zenasis - Stat blo ebriting 15:5

Da AntapGod i bin teke Abram go ausaid prom tent blo em ane da AntapGod i bin spik, ‘Luk go antap po skai ane trai kaunte dem sta. Yu go gad prapa plenti pamle wase dem sta.’

Zenasis - Stat blo ebriting 17:6

Ai go gibe yu plenti pamlelain. Ol pamlelain blo yu i go kam plenti dipren dipren pipol, uda tok dempla oun langus ane stap wea dempla oun kantri, ane ol king i go kamaut prom yu.

Zenasis - Stat blo ebriting 24:60

Ane pamle blo Ribeka bin blese Ribeka, ane dempla i bin spik diskain: ‘Sisi blo mipla, mait yu go kam mama blo ol prapa plenti pipol! Mait ol pamlelain blo yu go smase dem pipol uda enami blo yupla.’

Zenasis - Stat blo ebriting 25:11

Apta wen Eibram bin ded, God i bin meke ol mina prapa gudsamting po Aizak. Ane Aizak bin go po stap de lo Bilairoi wea eria blo Negeb.

Zenasis - Stat blo ebriting 26:24

Ane lo dat seim naittaim wen Aizak dempla bin kesem de lo Bisiba, da AntapGod bin soe emselp po Aizak ane em bin spik diskain, ‘Ai da God blo papa blo yu, Eibram. Yu no prait bikoz ai ebritaim lo yu ane ai go blese yu ane ai go meke ol pamlelain blo yu nadakain plenti bikoz Eibram i bin oltaim lisen po mi.’

Zenasis - Stat blo ebriting 26:4

Ai go meke pamlelain blo yu mina prapa plenti, wase dem sta antap wea skai ane ai go gibem po pamlelain blo yu ebridem ples ya. Ane tru pamlelain blo yu ai go blese dempla; ebridem pipol uda stap lo dempla oun kantri ya lo ert.

Zenasis - Stat blo ebriting 28:3

Ai aske da Strong AntapGod po blese yu, ane yu go gad plenti pikinini ane ol plenti pamlelain i go kamaut prom yu.

Zenasis - Stat blo ebriting 28:4

Den ai go aske God po gibe yu da blesing wea em bin gibem po ate blo yu Eibram. Diswan i po yu ane pamlelain blo yu, solong yu gobi bos blo da lan wea yu stap ya nau wase ausaidman. Diswan nau da lan wea God i bin gibem po Eibram.’

Zenasis - Stat blo ebriting 32:12

Bat yu bin spik wea promis de pas diskain, “Ai go prapa meke gudpasin po yu, ane meke pamlelain blo yu wase san lo sanbis, wea man i kan kauntem bikoz ol prapa plenti.” ’

Zenasis - Stat blo ebriting 32:13

Wa. Zekop i bin slip de po wan nait bat neksdei, prom ebridem animal wea em bin gad, em bin suzem po gibe present po bala blo em Iso,

Leta po Sos blo Rom 4:13

God i bin promis Eibram dat em ane ol pamlelain blo em gobi bos blo da wold, bat dis promis i no bikoz dempla pole lo blo God. No! I bikoz dempla bin mata bilib wea God. Daswai God i meke laip blo dempla stret lo em.

Leta po Sos blo Rom 9:27

Ane Aizaia, da spesilmesizman blo God i bin singaut po dem pipol blo Izrael diskain: ‘Nomata pipol blo Izrael i demkain tumas wase san wea sanbis, wa, da taim i go kam bambai wen i go gad mata lelbet pipol uda gobi seib prom dempla.

Namba 1 leta po Sos blo Korint 15:57

Bat yumpla mas prapa eso God, uda i meke yumpla win oba sin ane ded, bikoz prom BosLod blo yumpla, Zizas Kraist.

Leta po Sos blo Episis 1:3

Yumpla mas preize God ane gibe eso po God, uda i papa blo BosLod blo yumpla, Zizas Kraist. God i bin blese yumpla wea ebri spesilblesing wea i kam prom eben bikoz yumpla i blo Kraist.

Leta po Ibrupipol 11:12

Ane i prom dat seim Eibram uda i bin tu oul po gad pikinini, bat prom em nau i bin gad mina plenti pamlelain, wase ol sta de antap lo da skai, ane san lo sanbis wea i kan kauntem.

Leta po Ibrupipol 6:14

‘Ai go mina blese yu ane gibe yu prapa prapa plenti pamlelain wea i kan kauntem.’

Rebaleisan - end blo ebriting 11:15

Den da namba seben einzel bin bloue trampat blo em. Ane ai bin lisen ol prapa laud bois ala de antap lo eben diskain: ‘Ebriting lo da wold i prapa kam andanit wea paua blo da LodGod blo yumpla ane da Promiswan blo em, Kraist. Ane em i go rul antap ebriting ya, i go mata go go, no sabe pinis.’