Zenasis - Stat blo ebriting 2:17 - Torres Strait Creole (Yumplatok)

¹⁷ bat prut blo da tri uda gibe sabe blo gud ane sabe blo nugud, yu mas no kaikai em. Lo seimtaim, ip yu go kaikai em, yu go ded.’

Zenasis - Stat blo ebriting 2:17 ပူးပေါင်းရင်းမြစ်များ

Zenasis - Stat blo ebriting 2:9

Da AntapGod i bin meke prapa olkain nais tri po gro de, ane ol i bin mina nais po wasem ane dempla lego ol prapa gud kaikai. Ane insaid, melen lo da gadan i bin stanap da tri i gibe laip, ane nada tri wea i gibe sabe blo gud ane sabe blo nugud.

Zenasis - Stat blo ebriting 20:7

Taim nau po teke da oman gobaigen po man blo em, bikoz man blo da oman i wan spesilmesizman ane em go prea po yu solong yu nogo ded. Bat ip yu no teke em gobaigen po man blo em, ai spik yu tru, bambai yu go ded, yu ane ol pipol blo yu.’

Zenasis - Stat blo ebriting 3:11

Da AntapGod i askem, ‘Wiskain yu sabe yu neket? Uda bin spik po yu? Yu mas bin kaikai sam prut, prom dat tri wea ai bin oda yu no po kaikai?’

Zenasis - Stat blo ebriting 3:17

Ane God i bin spik diskain po da man: ‘Yu bin lisen po tok blo oman blo yu, ane yu bin mekem wanem em bin spik. Yu bin mata kaikai dem prut blo dat tri wea ai bin oda yu no po kaikai. Bikoz prom wanem yu bin mekem, da graun i go gad panis blo mi. Yu go meke adwok groe ol kaikai blo yu prom da graun, antil da dei yu go ded.

Zenasis - Stat blo ebriting 3:19

Yu go adwok lo laip blo yu po groe ol kaikai blo yu antil da dei wen yu go ded ane wen yu ded bodi blo yu go gobaigen po da graun. Ai bin meke yu prom da graun ane yu go gobaigen po da graun.’

Leta po Sos blo Rom 1:32

Demkain pipol i sabebaut God ane sabe dempla meke rongting gense God. Dempla sabe dempla go endap wea el. Bat dempla kip meke dem nugudting ane kip spik ol nada pipol po pole wei blo dempla tu so dem pipol go endap tu wea el.

Leta po Sos blo Rom 6:16

Yupla kan meke ol nugudting bikoz yupla sabe wad, wen yupla gibe laip blo yuplaselp po eniwan, yupla go meke yuplaselp ol sleib blo demwan. Wa! Ip yupla meke yuplaselp sleib blo dem nugudting, yupla go ded prom dem nugudting. Bat nadawei, yupla ken bi ol sleib blo God ane mekem wanem em wandem, den em go meke laip blo yupla rait ane stret wea em.

Leta po Sos blo Rom 6:23

Ai tok diskain po dem pipol uda i kip meke nugudting. Dempla go gede pei wase wokman ane da pei blo dempla i ded poeba. Bat dempla uda pas klostu wea Zizas, God go gibe dempla dat pri gipt, i longlaip poeba prom BosLod blo yumpla, Zizas Kraist.

Leta po Sos blo Rom 8:2

Da OliSpirit i mekpas yumpla wea Zizas ane em i gibe yumpla prapa laip. Em da wan uda meke yumpla pri prom dem nugudwei wea i draige yumpla go po ded.

Namba 1 leta po Sos blo Korint 15:22

Ebri pipol i go ded bikoz prom da pas man uda bin meke rong ane ebri pipol i go gad niulaip prom dat nada man.

Namba 1 leta po Sos blo Korint 15:56

Sin i gibe da paua po meke pipol pein. Ane ded ane sin i gede paua blo em prom Mozeslo.

Leta po Sos blo Galasia 3:10

Bat demwan uda i mata pole dem lo po meke demplaselp rait, kers blo God i go poldaun antap dempla. Bikoz Baibol i spik eniwan uda no oltaim lisen ane mekem wanem dem lo blo da buk blo God i spik, kers i go poldaun antap wea em.

Leta po Sos blo Episis 5:14

Bikoz ebridem samting blo dak wea dempla i mekem, i go soem kliawan prom da lait. Sambodi i bin raitem diskain: ‘Gedap, yupla uda slip, gedap prom stap ded. Kraist go meke lait blo em, po laitap wea yupla laip.’

Leta po Sos blo Kolosi 2:13

Laip blo yupla pastaim i bin wase ol ded pipol bikoz yupla i bin mata meke ol nugud samting. Dem nugudwei blo yupla i no bin kamaut yet, bat diskaintaim nau God i bin meke yupla kam po mata stap laip. Bikoz prom Kraist, em bin pogib ebridem nugudwei blo yumpla.

Namba 1 leta po Timoti 5:6

Bat dat widooman uda i mata meke ol gudsamting po emselp, mata tingbaut emselp. Laip blo em i ded nomata em i stil laip.

Leta prom Zemes 1:15

Den wen dem ubi po meke dem nugud samting i kip meke mo nugud samting, dem ubi go kam sin, ane wen sin i go gro kam big, den sin i go kile dem pipol.

Namba 1 leta prom Zon 5:16

Ebridem rongting i sin, bat no ebridem sin i go teke pipol go po el. Ip yupla luk eni amenbala o amensisi i kip meke sin, wea dat sin i nogo teke dempla go po el, yupla mas prea po God po elpe dempla. Ane God i go elpem, gibe dempla niulaip. Bat i gad wan sin wea i teke pipol go po el. Ai no spik dat yupla mas prea po demwan uda i meke dat sin.

Rebaleisan - end blo ebriting 2:11

‘Eniwan uda wande lisen ya, em i mas lisen prapagud nau po dem tok wea da OliSpirit em i spik po dem sos ya. Dempla uda kip bilib, da sekan ded i nogo kese dempla.’

Rebaleisan - end blo ebriting 20:14

Ane God i bin sake ded blo ebriting ane el insaid lo dat big ples lo prapa ot paia. Dis big ples blo paia ya nau, diswan da sekan ded.

Rebaleisan - end blo ebriting 20:6

Ebridem pipol wea God i bin meke dempla po kambaik laipgen prom ded de pastaim, dempla prapa api bikoz dat sekan ded i nogad no paua oba dempla. Dempla nau, ol i go kam prist blo God ane blo Kraist, ane dempla i go rul lo Kraist po 1,000 iya.

Rebaleisan - end blo ebriting 21:8

‘Bat ol dem pipol uda i pil sem prom mi, ane uda i no bilib, ane uda i meke olkain rabiswei, ane uda i kile man, ane uda meke sekssin, ane uda i gad maid, ane uda i wosip laigod, ane demwan uda i oltaim lai; ebri dempla go go po dat big ples lo prapa ot paia wea i ban wea salpaston. Diswan nau i da sekan ded.’