Zenasis - Stat blo ebriting 18:11 - Torres Strait Creole (Yumplatok)

¹¹ Eibram i bin eiz blo ol ate ane Sera bin eiz blo ol aka. Em i kan bone pikinini.

Zenasis - Stat blo ebriting 18:11 ပူးပေါင်းရင်းမြစ်များ

Zenasis - Stat blo ebriting 17:17

Den Eibram bin nildaun, pes blo em tase da graun, ane em bin lap ane tingk po emselp, ‘Sa! Wiskain man diswan i go gad pikinini wen em i kese 100 iya oul? Wiskain Sera diswan i go bone pikinini wen em i kese 90 iya oul?’

Zenasis - Stat blo ebriting 17:24

Poskin blo demtu Eibram ane Ismaiel i bin kat lo seimdei. Eibram nau i bin 99 iya oul, ane Ismaiel i bin 13 iya oul.

Zenasis - Stat blo ebriting 21:7

Ane Sera i bin spik gen, ‘Nobodi bin tingk ai go gad pikinini prom Eibram. Wa! Ai bin bone boi pikinini prom Eibram ane em i oulman.’

Zenasis - Stat blo ebriting 24:1

Taim i bin pas ane Eibram i bin kam prapa oulman nau, ane da AntapGod i bin meke ol gudsamting po ebriting Eibram i bin mekem.

Zenasis - Stat blo ebriting 24:36

‘Ane Sera oman blo da bos blo mi Eibram, em bin bone pikinini. Em i bigman nau ane Eibram i bin gibe boi blo em ebri gudsamting wea em i gad.

Zenasis - Stat blo ebriting 31:35

Ane Reisel spik po papa blo em, ‘Papa. No wail po mi gar bikoz ai kan stanap prant wea yu. Ai gad mantli blo mi.’ Wa. Laban bin prapa lukraun, bat kan paine dem laigod samting blo em.

Luk tokbaut Zizas 1:18

Zakaraia bin spik da einzel, ‘Wiskain? Wiskain ai go sabe diswan i tru? Mitu prapa tu oul po meke beibi!’

Luk tokbaut Zizas 1:36

Yu lisen po mi nau. Yu sabe kazen blo yu Lizabet prom mamasaid blo yu. Em nogad pikinini ane em prapa oul. Wel, em siks mant pamle nau.

Luk tokbaut Zizas 1:7

Lizabet em kan gad pikinini. So demtu nogad pikinini ane nau demtu i prapa oul.

Leta po Ibrupipol 11:19

Eibram i bin bilib ip Aizak go ded, God i ken meke Aizak kamlaipgen. Ane i bin wase demkain, i wase Eibram i bin gede Aizak baigen prom ded.