Zenasis - Stat blo ebriting 1:21 - Torres Strait Creole (Yumplatok)

²¹ Wa, God i bin meke dem nadakain big laipsamting blo solwata, ane olkain ebri pis wea i stap insaid lo solwata, ane olkain pizin lo speis blo skai. Wen God i bin luk diswan i bin nadakain api.

Zenasis - Stat blo ebriting 1:21 ပူးပေါင်းရင်းမြစ်များ

Zenasis - Stat blo ebriting 1:18

Dem lait i gobi bos lo deitaim ane lo naittaim, ane dem lait i go splitap taim blo dei prom taim blo nait. Ane wen God i bin luk diswan, em bin nadakain api.

Zenasis - Stat blo ebriting 1:20

Den God i bin meke oda diskain, ‘Olkain pis ane plenti ol laipsamting swim lo solwata. Olkain pizin plai antap lo da lan ya daun wea speis blo skai.’

Zenasis - Stat blo ebriting 1:22

God i bin blese demting ane i bin spik diskain, ‘Yupla insaid lo solwata, yupla brid ane kam plenti ebriwea insaid lo solwata. Yupla pizin antap lo da lan, yupla brid ane kam plenti ebriwea antap lo da lan.’

Zenasis - Stat blo ebriting 1:25

God i bin meke olkain plenti teimanimal wea i gud po kaikai, olkain tumas smolanimal ane olkain plenti wailanimal blo lan ya daun. Ane wen God i bin luk diswan, em bin nadakain api.

Zenasis - Stat blo ebriting 1:31

God i bin luk ebrisamting wea em bin mekem ane em bin mina nadakain api wea ebriting em i bin mekem. Ane i bin gad deitaim ane naittaim. Diswan i bin namba siks dei.

Zenasis - Stat blo ebriting 2:19

Wa. Da AntapGod i bin meke ol animal prom graun, ane ol pizin, ane da AntapGod i bin teke dempla kam po Adam po luk wanem em i go kole dempla. Wiskain da man i bin kole ebri laipsamting, diswan i gobi neim blo dempla.

Zenasis - Stat blo ebriting 6:20

Tutu blo olkain animal i go kam po yu po lugaut. Tutu blo olkain dipren pizin ane blo olkain dipren big ane smolanimal i go kam tu.

Zenasis - Stat blo ebriting 7:14

Ebri olkain animal ol i bin go wea dempla, ebri olkain teimanimal wea i gud po kaikai ane ebri olkain wailanimal, ane ebri olkain smolanimal ane ebri olkain pizin, ebri olkain laipsamting wea i gad ol wing.

Zenasis - Stat blo ebriting 8:17

Lego ebridem dipren animal ane pizin go ausaid prom da bot solong dempla go brid ane kam plenti ebriwea lo da lan.’

Zenasis - Stat blo ebriting 8:19

Ane ebridem dipren dipren animal ane pizin, ol bin kamaut tutu kam ausaid.

Zenasis - Stat blo ebriting 9:2

Ebri wailanimal, ebri pizin, ane ebridem pis blo solwata, ebriting wea i stap ane wagbaut antap lo graun, i go prapa prait prom yupla. Yupla gobi bos blo ebridem samting.

Zenasis - Stat blo ebriting 9:7

Ane yu mas kam plenti ane gad plenti pikinini, solong ol pamlelain blo yupla go stap ebriwea lo ert.’

Spesilmesizman Zona 1:17

Da AntapGod bin meke wan bigpis swim go po Zona. Da bigpis bin swelemdaun Zona. Em bin stap insaid wea da bigpis po tri dei ane tri nait.

Spesilmesizman Zona 2:10

Den da AntapGod i bin spik po da bigpis po spiu Zona antap lo sanbis.

Matiu tokbaut Zizas 12:40

Zona i bin insaid lo beli blo dat bigpis po tri dei ane tri nait, ane da seimwei tu da Truwan blo Man i gobi insaid lo graun ya lo ert po tri dei ane tri nait tu. Wa, ai da Truwan blo Man.