Zenasis - Stat blo ebriting 1:12 - Torres Strait Creole (Yumplatok)

¹² Wa. Ane ol bus bin kamaut, gro wea da lan ane olkain plant wea i lego sid. Prom dem dipren sid mo seimkain plant, gras ane tri i gad prut i bin gro. Ane wen God i bin luk diswan, em bin nadakain api.

Zenasis - Stat blo ebriting 1:12 ပူးပေါင်းရင်းမြစ်များ

Zenasis - Stat blo ebriting 1:11

Den God i bin oda diskain, ‘Laue lan po groe ol bus, po groe ol plant wea i lego dempla sid ane po groe ol pruttri.’ Ane i bin apen wiskain God i bin odarem.

Zenasis - Stat blo ebriting 1:13

Ane i bin gad deitaim ane naittaim. Diswan i bin namba tri dei.

Mak tokbaut Zizas 4:28

Da graun i meke dem sid gro. Wen dem sid i gro, ol lip i kamaut pas. Den apta ol plaua i kamaut, dem sid kamaut ane dem seim sid i kam raip.

Luk tokbaut Zizas 6:44

Yupla no broke wangai prut prom gaibui o broke mekei prut prom sigras. Nono! Yupla sabe ebri tri gad prut blo dempla.

Namba 2 leta po Sos blo Korint 9:10

I God uda i gibe sid po da pama po plante da gadan kaikai ane den God gibe da gadan kaikai po da pama po kaikai. Wa, i seimkainwei tu, God i go gibe yupla plenti wei po meke ol gudsamting, solong yupla go kip gad mo plenti wei po blese ol nada pipol.

Leta po Sos blo Galasia 6:7

No lisen po lai, bikoz yupla kan plei trik lo God. Tingbaut dem pama. Wen dempla plante kon wea gadan, kon go kamaut, no nada kaikai go kamaut. I seimkain wea laip blo yupla wanem yupla mekem.

Leta po Ibrupipol 6:7

Wen enibodi i bilib lo Zizas, em i wase graun wen rein i poldaun antap. Wen i rein da graun i groe gudkaikai po da pama, den God i go blese dempla.