Buk baut Rut 4:11 - Torres Strait Creole (Yumplatok)

¹¹ Dem elda ane ol dem nada pipol bin spik. ‘Orait. Mipla witnis. Mipla prea diskain, da AntapGod meke da oman blo yu wase Reisel ane Lia, demtu prapa bigaka blo yumpla. Demtu bin gad plenti pikinini prom Zekop, daswai dem pipol blo Izrael i plenti. Yu go kam impotant man blo da kantri blo Eprata ane bigman wea Betliem.

Buk baut Rut 4:11 ပူးပေါင်းရင်းမြစ်များ

Zenasis - Stat blo ebriting 23:10

Den Epron i bin sidaun lo dem pipol blo It. Ane Epron i bin ansa po Eibram wea da mitingples blo dem pipol blo It, prant lo ebriwan uda bin wea da dowei blo geit blo da taun. Em i bin spik diskain,

Zenasis - Stat blo ebriting 24:60

Ane pamle blo Ribeka bin blese Ribeka, ane dempla i bin spik diskain: ‘Sisi blo mipla, mait yu go kam mama blo ol prapa plenti pipol! Mait ol pamlelain blo yu go smase dem pipol uda enami blo yupla.’

Zenasis - Stat blo ebriting 29:16

Laban i bin gad tu gel. Neim blo da biggel i Lia, ane neim blo da smolgel i Reisel.

Zenasis - Stat blo ebriting 29:25

Wen i bin moningtaim nau, Zekop i paindaut em bin slip lo Lia, i no bin Reisel! Wa, Zekop i bin nadakain wail ane em bin go ane tok wailwan po Laban diskain, ‘Ei! Aukam yu bin meke disting po mi a? Ai bin wok po yu po kam man blo Reisel. Wanem po yu bin mekpul mi diskain?’

Zenasis - Stat blo ebriting 29:32

Lia i bin kam pamle ane bin bone wan boi pikinini, ane em bin kolem Ruben. Lia bin tok diskain, ‘Da AntapGod bin luk ai mata gad trabol, mait man blo mi go labe mi nau.’

Zenasis - Stat blo ebriting 35:23

Dem boi pikinini blo Lia i bin Ruben, pas boi pikinini blo Zekop. Apta Ruben i bin gad Simion, Libai, Zuda, Isaka, ane Zebulun.

Zenasis - Stat blo ebriting 35:24

Dem boi pikinini blo Reisel i bin Zosep ane Benzaman.

Matiu tokbaut Zizas 2:6

“Yupla, dem pipol blo Betliem insaid lo eria blo Zudia, dat smol taun blo yupla i go kam prapa impotant taun blo Zudia, bikoz wan rula i go kam prom yupla, ane em go lide ol pipol blo mi, dem pipol blo Izrael, wase man uda lugaut sip i lide ol sip blo em.” ’